Përparim Hysi: Cikël me poezi

Cikël me poezi

Nga Përparim Hysi

1.U rrite, moj Cigane, u rrite !

U rrite, moj Cigane, u rrite

Sa vjen e feks si ylldrite!

T'u rritën dhe qepallat me bisht

Pa zë e më shpon "egërsisht"

Dukesh si një lule e porsaçelur

Me sy ma bën buza e qeshur

Të shoh dhe nuk e kam kollaj

Mua që dreqi të më hajë!

Nuk e kam kollaj, se kam neps

Të flirtoj me ty, është "punë me spec"

SE ja tek vjen një çigan djalosh

Dhe mua sikur më thotë:-Mbetshë shëndosh!!!

2. DY  SY

Dy sy shoh përballë(sikur duan të më përpijnë)

Se po më hanë të gjallë, mua, burrin me thinjë!

Se nuk jam më  i ri, i kalova 80-vjeç

Por ende"shoh me sy" si në "adoleshencë"

Turpi më ka dalë dhe vështroj si i paturp

Jam moshatar që turpin ha me bukë

Faj nuk kam unë, por e kanë"dy sytë"

Ngaqë s'duroj shumë, m'u liruan "burgjitë"

M'u liruan "burgjitë" dhe duket ashiqare

Se kurrë "dysyve", unë s'u bëj naze

Ngaqë s'u bëj naze, unë i puth dy sytë

Ju them"kësaj radhe", u "ndreqën burgjitë".

3. Kur i shkruaje një mikeje

Jo.Nuk plakesh dhe hiç nuk e besoj

SE shpirti dhe mosha e një gruaje duket në sy

Për këtë që po të shkruaj, unë kam përvojë

Dhe hiç nuk gabo; pra, mos dysho fare ti.

Ti je si një trendafil apo tulipan

Dhe ke një shpirt qelibar

Tek  flas, jam transparent si xham

Se nuk të llaston një si unë, moshatar.

Je si një lule që kurrë nuk vyshket

Dhe po të flas ashiqare

Je si floriri që nuk ndryshket

Moj mikja ime, zemërmadhe!

4.Kur shoh...

Kur shoh femrat gjirin "lisho", sikur unë nuk  kam sy në ballë.

Sado, tash, nuk u mbaj"iso", por kam neps t'ua ha gjirin të gjallë

Gjiri "lisho" mua më ndjellë, më kujton djalërinë

Le të vete në esfel dhe dëboj pleqërinë.

Se marrë veten me të mirë dhe ndjej veten si dikur

Dua të"kullos qelepir" dhe më bëhet mua, sikur...

Sikur ja erdhi prapë fuqia dhe po nisem për"beteja"

Mblidhi mendtë burri me thinja, ndryshe tash është"meseleja",

5. Sarhosh?

Kam pirë sot , jam bërë"karroqe" dhe sebepi më je ti

SE erdhe ti, moj e mira e kësaj bote dhe bashkë pimë të dy

NJë gotë për ty, një gotë për mua, , , një tjetër e kthej plot

Ke ardhur ti  që aq të dua dhe bota tjetër botë

U piva sot dhe jam sarhosh... e drejta:jam bërë xurxull!

Të lutem gotat mos t'i numërosh! Të lutem, moj e bukur!

Dhe kështu do rri:sarhosh, i dehur, të më dalë tym nga koka

Moj mike e dashur më ke magjepsur, se ti je magjiplota!

                                    Tiranë, 8 tetor 2023