E shtune, 22.06.2024, 07:09 AM (GMT+1)

Mendime

Florim Zeqa: Rikthimi në gjenezën tonë kombëtare

E merkure, 12.10.2022, 07:59 PM


Rikthimi në gjenezën tonë kombëtare

Pas një pushtimi te gjatë, populli ynë kishte ëndërruar po ashtu shumë gjatë, me të drejtë, siq do të ëndërronte çdo popull tjetër i robëruar, se kur t'i vjen liria bashkë me të do ti vijnë edhe shumë të mira tjera, por, as në ëndërr nuk do t’i shkonte në mendje se mund t’i ndodhte e keqja pas asaj lirie të pritur më shekuj!

Shkruan: Florim Zeqa

Realitet i hidhur dhe i papritur

Realiteti i pasluftës ne Kosove është aq i hidhur dhe i pa pritur saqë i ka zhgënjyer edhe optimistët më të mëdhenjë, të cilët e kanë të veshtirë të gjejnë pika reference për të besuar në një përmirësim të shpejtë të gjendjes së krijuar 23 vjet pas çlirimit në Kosovë.

Dukuritë negative janë të shumta dhe të shumëllojshme, duke filluar nga qeverisja lokale e deri tek ajo qendrore dhe anasjelltas.

Por, më shqetësuese se gjithçka tjetër është largimi i të rinjëve nga vendi, është largimi nga vlerat dhe traditat tona shekullore, të cilat ky popull i ka ruajtur me fanatizëm brez pas brezi, siq janë: besa, burrëria, morali, respekti, solidariteti, e shumë vlera tjera njerëzore dhe kombëtare që si kishte asnjë komb tjetër në botë.

Zëvendësimi i vlerave sublime me anti-vlera, ka berë që sot në Kosovë të kemi prostitucion kulturor, përkatësisht huazim të kulturave të huaja, duke u nisur nga ato sllave, turke e deri tek ato arabo-aziatike.

Shpesh herë, jo pa të drejtë faji hudhet tek njerëzit e veshur me pushtet për shkak të qasjes së gabuar ndaj vlerave tona kulturore, por një pjesë të fajit e mbanë edhe populli që iu shkon pas dhe mbështet politikanët e papërgjegjshëm në pushtet dhe opozitë.

Një fjalë e urtë Italiane thotë; "Ogni popolo ha il governo che si merita", që në shqip i bie: "Çdo popull e ka qeverinë që e meriton", ngase qeveria nuk pikë nga qielli, por buron nga populli përmes votës së lirë.

Koha për reflektim dhe vetëdijësim

Ka ardhur koha që shtetin e Kosovës ta udhëheqin njerëzit me të kaluar të ndritshme, të ditur dhe të guximshëm, njerëzit më biografi të pastër atdhetare, njerëzit më bagaz patriotik dhe kredibilitet qytetar, të pakorruptuar dhe të pashantazhuar, të cilët nuk bien pre e lakmisë së privilegjeve të pushtetit dhe pasurimit të paligjshëm.

Ka ardhur koha që një herë e mirë të merrë fund epoka e injorantëve dhe miopëve politik, e mercenarëve dhe e matrapazëve, e grupeve të interesit brenda partive të skenës aktuale politike.

Këtë do ta bëjë të mundur rreshtimi i ri politik në Alternativën Demokratike për Ndryshim (ADN), i një rreshtimi të përmasave të viteve të ’90-ta, kur e gjithë popullata shqiptare u rreshtuan në Alternativen politike në rrethanat e sistemit plural të kohës, gjegjësisht në Lidhjen Demokratike të Kosovës (LDK), e cila ishte prijetare e të gjitha proceseve politike dhe ndryshimeve shoqërore përgjatë viteve të ’90-ta.

Alternativa Demokratike për Ndryshim, garancë e kthimit në origjinën tonë

ADN-ja është bashkimi i të gjitha shtresave shoqërore, është bashkim i forcave intelektuale dhe njerëzore, është bashkimi i familjeve me traditë të pastër kombëtare, është bashkimi i afaristëve dhe biznesmenëve, është bashkimi i vlerave humane dhe solidare të kombit tonë që janë të gatshëm për të dhënë edhe një herë gjithçka nga vetja e tyre për t’i dhënë shpirtë dhe dritë këtij vendi, për kthimin në rrugë të mbarë të qenjes sonë kombëtare ashtu siq ishim në fillimvitet e '90-ta.

Alternativa Demokratike për Ndryshim apo ADN-ja shqiptare për mbijetesë në trojet etnike, përveqse do t’a parandalojë zbrazjen e Kosovës nga të rinjët, do t’i largojë nga skena politike injorantët dhe matrapazët e të gjitha llojeve e ngjyrave partiake.

Ndryshimet substanciale në skenën politike do të arrihen vetëm përmes ADN-së, kësaj fryme të pastër kombëtare, të udhëhequr nga intelektualë të kalibrit, analistë dhe gazetarë të guximshëm, veprimtarë dhe aktivistë të devotshëm të çështjes kombëtare, gjegjësisht me bashkimin e të gjitha forcave progresive, të shëndosha dhe të padjallëzuara të qenjes sonë kombëtare.



(Vota: 2 . Mesatare: 5/5)

Komentoni
Komenti:

Artikuj te tjere

Fahri Dahri: Kronologjia e ngjarjeve historike të Thesproti/Çamërisë Kalosh Çeliku: Kohë do të ketë për takime Spartak Ngjela: Disa individë pa dije dhe pa thellësi mendimi, paguhen që të njollosin vlerat kombëtare të shqiptarizmit Adil Fetahu: Në të drejtën ndërkombëtare nuk ekziston as baza, as koncepti, as shprehja për tërheqjen e njohjes së shteteve Kalosh ?eliku: Vula e Dexhallit në ballë Nue Oroshi: Jehona e refuzimit të Muranës së Gjergj Kastriotit në Prizren dhe format e rezistencës Kalosh Çeliku: Pandemia politike Kimete Berisha: Magnet për mjerimin! Florim Zeqa: Të përfillim dhe respektojmë Kodin Patriotik! Vladimir Shyti: Jetë të çmendur Kalosh ?eliku: Zonja Vdekje nuk më deshi në “Qafë – Thanë” Albert Zholi: Enriko Ceko - Tërheqja e Ramës nga rrija e çmimit të energjisë ka të bëjë thjesht me efektin elektoral Florim Zeqa: Greva sakrificë personale për realizimin e të drejtave kolektive! Aurel Dasareti: Rusia dëshiron të fitojë, por Ukraina nuk dëshiron të humbasë Kalosh ?eliku: Grupi fushës Idriz Zeqiraj: Ilir Ferati zgjidhet kryetar i Degës të LDK në Istog Florim Zeqa: Një muaj ADN, një mijë drita shprese për qytetarët e Kosovës Adil Fetahu: Damkosja e veseve tona Reagim i Shoqatës "Trojet e Arbrit" lidhur me refuzimin përfundimtar të projektit të Muranës se Gjergj Kastriotit në Prizren nga Neo-Otomanet Fahri Xharra: Manastiri ortodoks “Shën Biguri” ishte i shqiptarëve

Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora