E enjte, 25.07.2024, 11:46 AM (GMT+1)

Mendime

Xhemal Ahmeti: Mentaliteti për psikiatri

E merkure, 31.08.2022, 07:55 PM


Xhemal Ahmeti:

MENTALITETI PËR PSIKIATRI

Përpjekja për t' i shpallur psiqikisht të sëmurë dhunuesit nuk është në rregull. U krijon alibi atyre, diagnozë lehtësuese. Ata janë kriminel të sojit më brutal që me vetëdije, disa orë, jo në afekt kanë eksternalizuar atë që e besojnë dhe bëjnë mentalisht sa janë. Nëse këta janë të sëmurë psiqik, atëherë shpallni shumicën e asaj popullate ashtu, atë që abuzon ditenatë me të drejtën dhe lirinë e femrave dhe që shumicës i duket normale - ngase gjithë njejtë. Dhunimi fillon qysh me diktatin femra të sillet sipas këtij apo atij kodi që ia përcaktojnè "burrat", respektivisht derrat e egër me ideologji katakombesh parahistorike.

__________

Fenomene

SPEKTAKLI I BANALITETIT

Qytetari X i Kosovës, në rrjet zbulon qytetaren Y, gjermane. Njoftohen dhe hyjnë në lidhje. Për nga sjelljet që i pamë shihet se Hata gjeti Hitën dhe u rrokullis bota. Hita i thotë Hates duhet me "marre këtë fé dhe me i vesh dimijat" se ndryshe nuk na marton hoxha. Ajo si ashtu pa habitus - siç shihet nga ato qê deklaron e sillet -saora i nënshtrohet burrit të rradhës. Hita qanë nga gëzimi për nusen e rradhes e sidomos për mundësinë ta përlajë Gjermaninë. Hata shkrihet e përulet poashtu para burrit të rradhës. Kësisoj skenash triviale, shembuj idiot ndodhin me siguri qindra mijë herë në ditë,  botës, shoqërive e kulturave: tash çka mua më mbetet është ta zbulojë esencën e relevancës publike të këtij "evinimenti kolosal": cili është ai? Pse mediat e ndoqën me kaq tamtame këtë ndodhi? Pse e katapultuan në shembull publik? Nga shkaku se më në fund një kosovar gjeti mundësinë se si të ikë nga vendi? Nga arsyeja se Kosovës lapidare iu shtua edhe një grua që i nënshtrohet burrit aq sa edhe gjininë e ndrron e lere më fénë? Nga gëzimi se Kosovës iu shtua edhe një myslimane me shumë? Cila nga këto arsye fascinoi mediat që e inskenoi rastin në shembull publik? Ikin njerëzit se ka reduktime rryme aty, apo ata ikin se dikush bën çmos që tu thotë atyre: këtu eshtë ferr, ja shihni edhe ky duduku ia doli e jo më ju: kapni trastat, gjeni gra e burra, konvertoni, pronësoni dhe shporruni?

__________

Ulurima e fashistëve dhe kryemizogjinëve: Kjo kategoria e politikanëve dhe personave që tërrë kohën hesht ose koketon me ideologji, që fyejnë, poshtërojnë, izolojnë dhe nxjerrin në ankandin më pervers femrën dhe dinjitetin e saj e sot sillet sikur u zgjuan, meriton dënimin më të madh. ???? "Gjithçka nis nga koka", thotë një postulat. E  ajo është poaq e krimbur tek shumica e heshtakëve si e ktyre kriminelëve që dhunuan.

__________

Krime tmerri gjithandej: Një grup psikopatësh përdhunojnë një të mitur në mes të Prishtinës; në Zvicër arrestohen 27 shqiptarë me thasë drogë. Çka nuk është në rregull me atë mentalitet? Kush na katandisi kështu?

__________

NËNA DHE DASHURIA [KUSHTËZUESE] E TË BIRIT

Është paradoks dhe skizofreni të thuash e dua nënën time mbi gjithçka dhe njëkohësisht të ngulish këmbë në normat patriarkale maskiliste, religjiokonservatore, mbylljen e grave, nënshtrimin dhe palirinë e tyre. Është skizofreni, ështê dyftyrësi, dashuri e rrejshme, mosrespekt i pavetëdijshëm ndaj nënës dhe gjitha nënave. Asnjë arsye nuk ekziston që mashkulli t'ia rregulloj e diktoj jetën asaj - femrës.

__________

Paramendoni ta kishim një Turqi sekulare, siç e konfiguroi Ataturku, tè fortë ushtarakisht e ekonomikisht si dhe pa qenë instrument i carit rus dhe khamenejëve iranian dhe talibanëve? Rusia nuk do të dhunonte botën kështu. Me Erdogana dhe Urbana mirëpo, mirë që nuk është më keq



(Vota: 3 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora