Shefqet Dibrani: Induksioni i përditshmërisë poetike

Kritikë letrare:

INDUKSIONI I PËRDITSHMËRISË POETIKE

Ajete Pavataj, "DERDH NDJENJËN E RILINDUR", poezi, botoi Sh.B. "LENA grafik", Prishtinë 2021. Redaktor Shefqet Dibrani"; ISBN978-9951-27-367-1

Nga Shefqet DIBRANI

Emrin e poetes Ajete Pavataj, e kemi mjaftë prezent në jetën publike dhe kulturore në Kosovë. Jo vetëm kaq, por ajo është pjesëmarrëse e një varg manifestimeve të karakterit kulturor që mbahen në Kosovë dhe gjithandej në hapësirën shqiptare. Po ashtu, poetja lexuesit të saj iu ka prezantuar me një varg librash poetik, kurse me shumë poezi të tjera është prezantuar nëpër antologji dhe libra të sajuar nga grup auto-rësh, të cilët kanë krijuar mozaikun poetik dhe portretin e saj letrar.

Libri me poezi “DERDH NDJENJËN E RILINDUR”, që po i prezantohet lexuesit është i përbërë me lirika poetike të shkru-ara kryesisht viteve të fundit dhe të publikuara edhe nëpër rrjetet sociale, që kanë bërë portretin poetik që shprehë  botë-kuptimin artistik të autores.

Tashmë jemi në kohën e internetit dhe zhvillimin e për-shpejtuar të teknologjisë digjitale e cila me të gjitha përparësitë i ka edhe anët negative, sepse nga dinamika e përshpejtuar po ndikon drejtpërdrejt në nivelin e krijimit artistik. E ky ndikim po reflektohet sidomos tek shkrimi letrar dhe krijimet poetike të cilat jo rrallë na dalin si afekt i momentit se sa një përkujdesje e mirëfilltë artistike për të publikuar poezinë ose krijimet tjera letrare në mënyrë më të përsosur, traditë të cilën deri vonë e kanë ruajtur metodat e gazetarisë dhe mediave klasike, pran-daj edhe pjesëzat, vargjet dhe strofat e këtyre poezive janë pje-së e përditshmërisë krijuese, pjellë e modernizimit teknologjik,  që shprehin afektin e ndikimit të çastit dhe rastit.

Ky induksion është refleksion i përditshmerisë së nxituar që shprehin anën e brendshme shpirtërore dhe paraqesin edhe një dinamikë të krijimit letrar, e cila po zëvendësohet me më-nyrën e krijimit artistik e letrar që është kultivuar më herët.

Kjo tendencë për të regjistruar me çdo kusht ndjenjën e përditshmërisë, jo pak dhe jo rrallë ka ndikuar në anën artisti-ke dhe në shkrimin poetik. As Ajete Pavataj nuk i ka shpëtuar këtij trendi i cili reflektohet kudo nëpër këto poezi, (sidomos atëherë kur janë bërë publike në rrjetet sociale), andaj është mirë që krijuesit të jenë më të kujdesshëm në ruajtjen e pastërtisë së shkrimit letrar. Përpjekja për të shkruar sa më bukur, sa më drejt dhe pa gabime gjuhësore e ortografike është obligim i secilit autor a autore, të cilët shkruajnë dhe publikojnë poezitë e shkrimet e tyre edhe në rrjetet sociale.

Kjo tufë lirikash të  konceptuara në formë libri kanë pasur vështirësitë e saj, pikërisht për arsyet që i theksuam më lart, pasi tema dhe motivi ka qenë i përsëritur me teprim, gjë që harrja dhe përkujdesja artistike është dashur të jetë e domo-sdoshme. Prandaj për t’i shmangur përsëritjeve jemi shtrën-guar që  përmes strofave dhe vargjeve të bëjmë një kolazh poe-tik me vlerë, por që kanë motive të njëjta, gjë që mendojmë se si krijime artistike janë konceptuar mirë, janë më të lexueshme dhe shprehin më mirë përkushtimin poetik të autores, e cila me një kujdes më të shtuar, lexuesit të vet mund t’i jap poezi edhe më të realizuara të cilat jo vetëm që shprehin botën e saj krijuese por poezitë e saj, shprehin edhe një koncept filozofik.

Të shpresojmë se këto lirika të përfshira në librin “DERDH NDJENJËN E RILINDUR”, do t’i avancojnë më mirë vlerat e krijimit të saj poetik!