Kastriot Dervishi: Arrestimi i dytë i At Zef Pllumit

Arrestimi i dytë i At Zef Pllumit

Nga Kastriot Dervishi

Më  27.9.1967 në përpjekje për t’u arratisur në zonën e Malësisë së Shkodrës, At Zef Pllumi, pikaset nga punonjësit e pyjores, tekniku i të cilëve, Marash Mali, duke e ndjerë për “detyrë patriotike”, e ndaloi dhe e dorëzoi në postën më të afërme kufitare. Gjykata e Qarkut Shkodër, me vendimin nr.11, datë 13.3.1968, e deklaroi fajtor dhe e dënoi me 25 vjet heqje lirie. Në këtë proces u dënua edhe Dom Nikollë Mazreku me 20 vjet heqje lirie. Të dyve iu konfiskua pasuria.

Personi që shihet në foton e arrestimit (nga e majta) është tekniku i pyjores Marash Mali (për të cilin flitet në librin “Rrno për me tregue”).

Në foton bashkëlidhur, ai nderohet në të njëjtin vlerësim si Dedë Gjo Luli me shokë.