Sevdail Hyseni: Festa e Vitit të Ri!

Satirike

Festa e Vitit të Ri!

Gjatë natës së fundvitit

E zbutëm pak mërzinë,

Me gazmendet në shtëpi

Si të ishim n’karantinë!

I stolisëm rrugë e sheshe

Duke derdh paranë publike,

Por s’i gëzuam ato vlera

Për shkak frikës pandemike!

E mallkuam vitin plak

Që mos kthehet kurrë n’jetë,

Pse s’na la natën gazmore

Ta kremtojmë me dinjitet?!

Viti i Ri, si për çudi

Erdh pa akull edhe borë,

Me një mot për mrekulli

Si të ishim në qershor!

Vit i mbarsur me dëshira

E urimet pa hesap,

Nga të pirët e tepruar

Desh u bë bytha tapë!

Viti i Ri, shkurt e shqip

Do të jetë një vit në garë,

Për t’i zgjedhur të votuarit

Si trangullin në pazar!

N’Vit të Ri, me forcë të re

S’do t’ mungoj asgjë për besë,

As vaksinat e shumëpritura

Që na vijnë nga miqtë kinezë!

Miqtë e dashur të satirës

Në këtë kohë të vështirë,

Mos u ndani nga humori

Sepse Spica ju bënë mirë!

Nuk e kam për pëlqime

As komentet që vijnë pas,

Por, për fjalën popullore:

-Buza n’gaz, shnet pa masë!

Sevdail Hyseni

(Karikatura marrë nga interneti)