Vahit Nasufi: Koronavirusi

Vahit Nasufi

KORONAVIRUSI

Nëpër ekrane apo smartfona,

Dëgjojmë shpesh fjalën Korona,

Emri i një virusi të mallkuar,

Që mbarë globin ka sulmuar.

Që nga dhjetori i vitit kaluar,

Mbarë botën e ka trishtuar,

Në Vuhan t`Kinës u paraqitë,

Na zuri befas, pa pregaditë!

Me iniciale quhet KOVID 19 -të,

Se kaq i rrezikshëm do të jetë,

Askush n`botë nuk e ka pritë,

Jetë njerzish merr ditë pë ditë!

Është një virus, që s`ka lëmoshë,

Nuk zgjedh gjini, e as moshë,

Nga ky virus i tërbuar,

Miljona njerëz janë infektuar!

Nga Korona shumë janë prekur,

Me qindra mijëra, ka të vdekur,

Viktima të këtij virusi famëkeq,

Më shumë janë njerëzit pleq,

Përveç tjerash, kemi dëgjuar,

Me qindra mijra, janë shëruar,

Që i bënë të prekurit të gëzohen,

Nga Korona, mund të shërohen!

Gjithë qveritë në çdo seancë,

Bëjnë apel të mbajmë distancë,

Ministritë e shëndetësisë,

Marrin masa ndaj pandemisë,

Përhapjen që t`ia parandalojmë,

Masat e marra t`i respektojmë,

Virologët higjienë rekomandojnë,

T`i lajmë duarët t`i dizinfektojmë...

Të dyshuarit, në karantinë,

Më pak dy javë, duhet të rrijnë,

Për të dalë kush ka nevojë,

Patjetër të ketë maskë në gojë.

Nëse dy vetë duhet të takohen,

Më se dy metra, të mos afrohen,

Turma njerëzish mos grumbullohen,

Të infektuarit mos të shtohen.

Të gjithë mjekët shpesh e thonë,

Të kujdesemi për shëndetin tonë.

Kush infektohet me Koronë,

Kur e heton, qënka shumë vonë!

Simptomat e tij që mund t`hetohet,

Është frymëmarrja kur vështirsohet,

Temperatura e lartë, është një sinjal,

Si dhe kollitja, kur vjen pa ndal...

Gjatë periudhës së pandemisë,

Dam i madh iu bë ekonomisë,

Dame nga ky virus vdekjeprurës,

Turizmit, biznesit, sportit, kulturës...

Mërgimtarët tanë, që i djeg malli,

Ardhjen në Atdhe Korona ua ndali,

Dasmat dhe ahengjet, i kanë anuluar,

Planet e tyre, krejt u kanë dështuar!

Ky armik, që me sy nuk duket,

Do t`i vijë dita edhe ky do t`zhduket,

Si virusëve tjerë, fundi do t`i vijë,

Koronavirusi, këtë mirë ta dijë!

Kërçovë, gusht 2020