Skënder Kapiti: Arsyet pse “ra” qeveria Kurti

Arësyet pse  “ra” qeveria Kurti

Nga Skënder Sadri KAPITI

Arësyet se përse  “ra” qeveria Kureti nga mocioni i mosbesimit të LDK-së dhe mbështetur nga ishkualicioni qeverisës AAK, PDK dhe NISMA  janë po ato arësye të cilat populli shqiptar i Kosovës ia kishte besuar votën VETËVENDOSJES dy herë rradhazi si forcës kryesore politike në Kosovë. Pra, arsyeja kryesore është kjo: politika e vjetër  regresive e kapur nga korrupsioni, hajnija e tradhtia nuk mund të pajtohej kurrësesi me verdiktin ndëhkimor që asaj i dha vota inteligjente e popullit të Kosovës. Dhe për këtë arsye kryesisht, politika e vjetër e konsumuar tepër tashmë, ajo ndërmorri puçin parlamentar që mundësoi delegjitimitetin e demokracisë në Kosovë. Më poshtë janë dy shkrimet e mia botuar si analizë se përse populli i Kosovës dy herë e votoi Kurtin dhe VETEVENDOSJEN, por që kundër verdiktit popullor dhe kundër legjitimitetit demokratik vepruan LDK, PDK, AAK dhe NISMA. Por që me siguri herën e tretë populli me votën e tij do t’ia mundësojë VETEVENDOSJES që të qeverisë e vetme. Pra qeveria Kurti ra, por nuk sfidohet dhe nuk bie kurrë populli dhe as vullneti i tij , vullnet i cili do ta lartësojë dhe do t’ia besojë pushtetin shumë më fuqishëm VETEVENDOSJES. Vullneti i popullit të Kosovës do të triumfojë fuqishëm kundër çdo lloj politike e cila sillet e spekullon  kundër tij.

Arsyet pse VETËVENDOSJA e  A. Kurtit doli përsëri si forcë e parë politike

Nga Skënder Sadri KAPITI, Durres, 7 Tetor 2019

Arsyet pse doli A.Kurti dhe Levizja “VETËVENDOSJE”  si forcë e parë politike në Kosovë përsëri me 6 Tetor 2019 , janë po ato që e nxorën si parti politike më të votuar edhe me 11 Qershor 2017. Ajo edhe atëhere fitoi zgjedhjet, dhe arsyet jane pothuajse të njëjta, dhe të cilat i pata botuar  në shkrimin me titull:l “Kosova votoi për një Politikë të Re dhe për një Kryeministër të Ri” i  shkruar me dt. 16 Qershor 2017 dhe botuar  menjehere pas zgjedhjeve parlamentare te dt. 11 Qershor 2017.

Si shkrim dhe si titull vlen edhe pas dy vitesh, vlen edhe sot për zgjedhjet dhe rezultatin e tyre  të datës 6 Tetor 2019. Ai shkrim vlen pra edhe për sot, pasi atë  e verteton edhe rezultati i verdiktit dhe i vullnetit të sovranit, i  popullit të Kosovës, i cili ia besoi përsëri votën dhe qeverisjen “VETËVENDOSJES” dhe Albin Kurtit

Ky shkrim  i kushtohej fitores se “VETËVENDOSJES” të para dy vitesh, por qe ne ate kohe dy aleatet e VETVENDOSJES, AAK dhe NISMA e tradhetuan VETVENDOSJEN dhe bene aleancen PAN me PDK thaçiste dhe me Behxhet Pacollin.

Rezultat i kesaj akrobacie dhe matrapzlleku politik e të  paturp, gjendja në Kosovë vetem sa u perkeqesua, u rrit krimi,hajnija,papergjegjshmeria, korrupsioni dhe zhvatja e grabitje e parase publike, pasurive kombetare dhe hajnija e admistrastes  burokratike dhe te tejngopur me poste parazitare e të mbushur me injorantë e të korruptuarish.

U formua një qeveri me lloj-lloj ministrish, me dhjetra e dhjetra këshilltarë e pseudokëshilltarë, me mbi 80 zëvëndës ministra dhe me  lloj-lloj fantastrukturash, dikasterash e drejtorish tërësisht burokratike e të panevojshme që si shpërblim morën edhe rritje pagash por edhe benefite  e shpërblime të tjera.

Për pasojë të jo vetëm të këtyre por edhe të rritjes së varfërisë, papunësisë dhe të humbjes së besimit dhe të shpresës se qytetareve  ky kualicion mori një ndëshkim shumë të madh tani me 6 Tetor 2019.

Me 6 Tetor populli shqiptar i  Kosovës, mëncuaria dhe pagabueshmeria e tij ia beson edhe kesaj radhe te drejten per te qeverisur përsëri “VETËVENDOSJES” si forcë e parë politike në Kosovë.

Ja më poshtë  dhe shkrimi im i datës 16 Qershor 2017   me titull:

“Kosova votoi për një Politikë të Re dhe për një Kryeministër të Ri”

Zgjedhjet në Kosovë me 11 Qershor 2017  treguan nivelin e lartë të pjekurisë dhe të mënçurisë politike  të votuesit në Kosovë, i cili  u soll dhe zgjodhi ashtu si votuesi amerikan dhe ai francez që votuan dhe zgjodhën  politikën e re dhe presidentët e rinj, duke ndëshkuar politikat e vjetra apo elitat dhe establishmentin politik.

Pra ashtu si në SHBA ku fitoi Lëvizja e Donald TRUMP dhe në Francë ku fitoi “Marshimi” i Emmanuel MACRON, edhe në Kosovë fitoi  Lëvizja “Vetëvendosja”e Albin KURTIT, ku zgjedhesit në Kosovë votuan për një Politikë të Re dhe për një Kryeministër të Ri, pra për një politikë dhe për një qeverisje ndryshe. Arsyet se përse shqiptarët në Kosovë e votuan “Vetëvendosjen” si forcë të parë politike janë këto:

1-Partitë  politike ,PDK dhe LDK, e kanë sunduar skenën politike në Kosovë që nga Çlirimi i saj e deri më sot, dhe kjo, por sidomos bashkëqeverisja e tyre e fundit i diskreditoi dhe i konsumoi së tepërmi të dyja ato parti, pasi dështuan në luftën kundër krimit dhe  korrupsionit;  dështuan në ndërtimin e demokracisë dhe  “shkelqyen”në mosfunksionimin e saj dhe te ligjit, gjë e cila bëri të kundërtën: instalimin dhe perfeksionimin e korrupsionit në sistem dhe infektimin e rëndë të këyre dy partive politike të të dy kryetarëve të tyre si Hashim Thaçin e PDK-së dhe Isa Mustafën e LDK së me  krimin, korrupsionin dhe papërgjegjshmërinë kombëtare të tyre.

2- Atyre u munguan kapacitetet politike, juridike, intelektuale, profesionale, diplomatike dhe patriotike; si dhe iu mungoi përgjegjësia, përkushtimi dhe vullneti politik për ndërtimin e një shteti ligjor modern dhe me standarte demokratike, gjë e cila bëri të mundur edhe mosliberalizimin e vizave për në BE.

3-Dështuan në aspektin e ndërtimit të një sigurie dhe mirëqënie ekonomike dhe përkujdesjeje sociale dhe punësimi gjë e cila rezultoi me eksodin e madh të qytetarëve nga Kosova drejt BE-së.

4- Politikës apo elitës politike që e dominoi Kosovën iu konsumuan të gjitha akrobacitë e pazaret e politikës së interesit personal, nepotik, klientelist  e klanor si dhe të gjitha mashtrimet e gënjeshtrat politike e publike.

5- Politikën PDK-LDK e diskredituan dhe dy marrëveshjet me dëm të jashtëzakonshëm të prestigjit dhe të interesit kombëtar si: Demarkacioni i kufirit me Malin e Zi dhe Marrëveshja për formimin e Bashkësisë së Komunave Serbe në Kosovë, duke u ekspozuar kështu edhe si një politikë kundërpatriotike.

6- Votuesi kosovar votoi për një politikë të re, për klasën e mesme, për një rrugë të mesme kundër monopoleve  korruptive politiko-ekonomike dhe polarizimit të shoqërisë në një pakicë të pasurish dhe një shumice të varfër dhe të papërkrahur; populli i Kosovës votoi për një politikë antikrim dhe antikorrupsion.

Pra, votuesit në Kosovë ndëshkuan politikën e vjetër e të dalë tashmë jashtë mode, ndëshkuan politikën e parazitizmit; politikë e cila u ndëshkua për mungesën nga ana e saj të disiplinës dhe respektit ndaj parimeve dhe vlerave kombëtare dhe demokratike. Dhe prandaj publiku   ia besoi kështu politikën dhe qeverisjen një politike të re, asaj të “Vetëvendosjes” dhe Albin Kurtit  e cila ka bërë gjatë gjithë kohës një opozitë të fortë, reale, të sinqertë me popullin dhe që ka pasur guximin dhe kurajon  për të thënë të vërtetën  dhe për ta mbrojtuar atë, si dhe për të mbrojtur të drejtat e qytetarëve, të shtetit dhe interesin kombëtar.

Ajo gjithnjë ka kërkuar ndërtimin e shtetit ligjor, demokracinë dhe kombëtarizmin; për të  bërë reformimin e shtetit dhe të shoqërisë me reforma moderne dhe reale; duke u përballur guximshëm me politikën e pushtetit i cila ka përdorur përveç të tjerash kundër saj edhe dhunën, edhe hipokrizitë: që dështimet, gabimet dhe fajet e veta t’ua faturonte atyre të cilët nuk kishin faj, pra opozitës ,”Vetëvendosjes”.

Këto i konstatoi votuesi në Kosovë dhe prandaj votoi patriotizmin real, ndryshimin, të renë dhe perspektivën, ligjin dhe demokracinë, pra “Vetëvendosjen”, e cila ka treguar se: si të parin parim dhe premtim ajo ka interesin publik dhe atë kombëtar.

(Shkruar nga Skënder S.KAPITI Durrës, 16 06 2017).

Dhe me 6 Tetor 2019 Gjykatësi popull me votën e tij e votoi pra përsëri “VETVENDOSJEN” e Albin  Kurtit , kjo po për ato arsye si të 2 viteve më parë, si dhe për faktin pra se ajo  nuk ka mbi supe dhe nuk është e ndotur  nga qeverisja e pushtetit qëndror, sepse ajo nuk ka qenë asnjëherë në pushtet dhe nuk është e infektuar nga pushteti ,korrupsioni, hajdutëria, zullumi dhe as nga tradhëtia publike dhe e interesave kombëtare ashtu siç janë komsumuar me këto akuza , sjellje e vepra partitë e tjera politike të cilat morën ndëshkimin e meritruar me 6 Tetor 2019.

Qëndrimi i “VETEVENDOSJE”-s ka qenë i papajtueshëm me filozifinë e keqpushtetit të PDK-se, si kur ajo keqqeverisi së bashku me LDK-në e Isa Mustafës ashtu edhe kur ajo keqqeverisi së bashku me AAK dhe NISMA-n. Ajo  ka qenë  kundështar i vendosur dhe i palëkundër kundër pushtetit oligako-korruptiv të tyre, kundër pushtetit autokratik e personal të Presidentit Hashim Thaçi, kundër tradhëtive e pazareve me trojet e me territoret, kundër ndarjes së Kosovës.

Prej vitesh , qe nga formimi i saj, VETVENDOSJA ka qenë opozita më e besueshme në betejën politike të saj kundër krimit të organizuar, korrupsionit, hajnisë dhe tradhëtisë publike të të gjitha pushteteve që kanë qeverisur Kosovën.

Prandaj votuesi inteligjent kosovar votoi për më të mirën, për ndryshimin,votoi për VETVENDOSJE-n , votoi për Republikën, për shtetin ligjor dhe të së drejtës;votoi për antikorrupsionin, për konsolidimin e pavarësisë e të demokracisë dhe për integrimin e Kosovës.

Le të besojmë dhe le të shpresojmë për ndryshimin përmirësues dhe çmontimin e ndëshkimin e sistemit oligarko-korruptiv,mafioz dhe hajdutokrat.Le të shpresojmë e të besojmë për çlirimin e energjive politike, patriotike dhe të intelektualizmit të vërtetë e pozitiv.

Urime “VETËVENDOSJES” dhe Albin Kurtit / Durrës , 7 Tetor 2019

Pra këto janë edhe arsyet se përse LDK dhe opozita dështake nuk pajtoheshin me Kurtin dhe as me qeverisjen e tij, dhe prandaj ata organizuan edhe një grusht shteti parlamentar që mundësoi rënien e përkohshme të qeverisë Kurti, por që ka krijuar një reagim  publik kombëtar kundër politikës së vjetër që me siguri do të marrë ndëshkimin e merituar.