Pjeter Perlati: Beteja e Bokshiqit

Urime diten e Pavaresise se Kosoves. Per diten qe disa nga ne do e festojne e disa do e protestojne u deshten te fitohen mijera Beteja. Njera nder to ishte ajo e Bokshiqit dhe heroizmi i pashoq i Nue Perlleshit.

 

Beteja e Bokshiqit

 

Nga Pjeter Perlati

 

Marshall Tita ne kam na u qu

Komitetit ju ka drejtu

Qe tri vjet lufta ka maru

Veq Kosova hala su qetsu

Deri sod gjith kem fitu

Qdo anmik qe e kem shkatrru

Veq një çetë n`Kosov ka metë

Sulmon ushtrin funksionar na i vret

Kur ti teket sa her don vet

Na kshtu vetit smujm me ja leju

T´gjallë a t´dekun Noun jau du

Me dekret e ka nënshkru

Mujin Janar katerdhet e teten

Fort pe njekshin Nue Perlleshin

Spo lajn vënd kun pa e kerku

Gurë as dru slan pa rrokullu

Miq e shokë kah ja kan hetu

Tu ja vra tu ja burgu

N´mal t`Dollovs e kan hetu

Masivisht e pa u diktu

Tri sereze ushtri kan pru

Me tetë Shkurt e Dielle qellu

Dymdhet ora kur është rrafshu

Gjith rrethimi konka kompletu

Medet Nou se paska diktu

N´mal t`Bokshiqit mbet i rrethu

Konmandanti fort konka gëzu

Po i ban thirrje me u dorzu

Gjysa e fjalve shumë kercnime

Gjysa tjeter kshilla për bindje

Nigo knena more trimi NU

Batalionet qe t`kan rrethu

Kraht me i pas ti me fluturu

Gjallë prej ktuhit smunesh me pshtu

Kam ushtri edhe milici

Kam Dibranin për shëjtar

Edhe ai thot është shqiptar

Komunist ai nder ma t´parë

Ai prej Shkupit o qe ka ardh

Eshtë ma i miri nishangji

Anë e m`anë n´Jugosllavi

Ti veq pak Djalë me u mëndu

Je i fundit duhet me pranu

Ska Shypni ajo dit ka shku

Ku e ki Djalë ti Mehmet Gradicen

Shaban Polluzh e Ukë Sadikin

Marie Shllakun me shumë Shkodran

Ymer Berishen atë Profesor

Pjeter Jak e Rrustem Rugov

E shumë tjer ne marë Kosovë

Shumë kem vra e disa burgu

është ma mirë për ty me u dorzu

Nigo knena o komandat

Ju çetnik edhe partizan

Ngoni knena edhe ju Shqiptar

Besen rusit qe ja keni dhanë

I thuni vetit qeveri

Veprat e juja si është ma zi

Anë për anë veq per Shqiptar

Per teprica qe i thuni vishak

Millin n´magje jeni tu jau marrë

Me vdek uni fëmin tu jau lanë

Komandant ti ore faqezi

Edhe unë kam një kshillë për ty

Merr ushtrin e shkoni n`shpi

Keni prind noshta keni fëmij

Rreshto kolonen si një zingjirë

Unë t`kallxoj kah t`bjen ma mirë

Rruges Çakorrit për n`Mal te Zi

Prej aty trup për Serbi

E mos harro tregoj djalit fëmij

Se Kosova është Shypni

Bukur moti ju m´njihni mu

N´bafshi rrugen mos me ma lëshu

Shumë prej jush kam me ju damtu

Nigoni knena ju ushtarë te mi

Unë gabova pak n`ketë turli

Nuk ka llafe me ketë Njerii

Do tja shtypim sod kryet e tij

Rrethim t`çelikt kem mi kriju

Bukur gjanë mali ka qellu

Nuk dojm front malit me`i shku

Disa her ashtu kem provu

Djal i leht munet me na pshtu

Me çdo armë për ansh kem me gju

Vullnetar kam organizu

Me hi n`mal kan me torvolu

Kush t`ban shpirtin atij me ja marrë

Rankoviqit do ti bahet djalë

Po mos mujshim kurrqysh me çellu

Uria e t`ftoftit kan me dermu

Qare ska ai sod pa u dorzu

Trupi i tij zhag ka me`i shku

Radosh Toshiqit te kryet kam mja qu

E mja pajtu nanen brigadir Zhiviqit

Komandantit te pukut t`Nishit

Qe e pat vra Nou n`zabel t`Radoniqit

E shumë tjer qe spo i permëni

Keç e gatë neve na del rëni

Krisi pushka gjemoj mali

Zot si e fale asi Djali

Njemij pluma pri`her mbi kry

Si spo i trëmbet ai syni i tij

Vet i treti n´luftë me ni ushtri

Moti i ftoft kishte çellu

Mali i dëndun he koft beku

N`çdo betej si është zakon

Sulmi i parë me kën ma rând

U zbrazen pushkë për kater anë

Mitralozi rrept kerset

Gurë e dhee po i qon perpjet

Bash si kosa me teh te mpreht

Lisa e rrëma po i pret

Turra turra vullnetarë

Ja msyn malit kush ma parë

Nou me shokë përgjegje u ka dhanë

Bash si kajzit para drapnit n`arë

Partizan për tri ansh u vranë

Ka ra trompeta tuj ushtu

Komandanti paska urdhnu

Me u terhek mrapa mej shku

Pak ma ndryshe me`u organizu

Sdom shumë njerz me na`u damtu

Sjem t`sigurt nuk i kem pa

Sa njerz Nou me veti i ka

Noshta thirrim forca hala

Kush po i rrika atë ditë Nout te kama

T`Lugut Drinit dy djem si zana

Nrec Nikolla ni trim dai

Shaban Dema djal i ri

Dyt betue për shqiptari

Nrec Nikolla shumë zanatli

Hy ne t`pesdhetat mosha shty

Sa her qitke pushken për sy

Plumi huq si shkoj atij

Por pa fat atë ditë kish qellu

Gjou Dibrani prej njaj shpati

Nrec Nikollen keç e kapi

U rrzu Nreca na`u dridh toka

Djal ma t´pashem nuk pat Nanlokja

Shaban Dema ai sokol djali

Fort pe mbron ai ni anë mali

Pes a gjasht ai flakë i kalli

Luft garram e hallakam

Gjak e britma n`kater anë

Mos me njoft thon qeni t`zon

Fort po qet ai mitralez i zi

Keç e kapi ketë djalë të ri

O ra djali spo mun me u qu

Partizan shpejt e kan kaplu

Komandantit trofe mja dergu

Nue Perlleshi ai djalë drangu

Mirë lufton e rrebt po gjuu

Kah ana e tij shumë tuj zanu

Spo len kan malit me ju afru

Kah livadhi syt kur i ka leshu

Shaban Demen e ka vrojtu

Partizant Shabanin zhag tu e qu

Kah komanda tu e dergu

Sikur mali Nout ju rrotullu

Sikur qilla mbit ta t`ish shkarku

Po ban Nou medet për mu

Ja e nshoj vrapit si t`ish fluturuu

Don livadhit pak me ju afru

Kta mkatnor rând me i ndeshku

Rrebt për thum njanin e ka vnu

Ja shpoj shpinen mirë e ka zanu

Kalamuq mbi Shabanin rrzu

Komandantit para syve

Ja shkallmoj t`dytin sikur me gjyle

Sulmoj ushtria si n`Termopile

Plot urrejtje e hiq pa hile

Breshni plumash si stuhi

Rand per malin le ma për njerii

Ja ngjiti Nout kah e djathta bri

Ja preu mishin e jo n`mushkni

Si vetima qe din me shkrep

Kaloj Djali me`i tjeter cep

Komandanti Shabanit ju afru

Fun e krye urrejtja mlu

N`vënd se mjekut me ja afru

Masanej e me burgu

Si rob lufte me gjygju

Po tregohet taman barbarë

Nxur alltin ja vnoj ne ballë

A e ki naj fjal për t` than

Sa jan trutë n`livadh pa t`dalë

Plag te rânda Shabani tuj lëngu

Shumë ushtri e kishin rrethu

Kush spo flet veq tuj kundru

Me pik t`zorit djali u shterngu

Këtu shqiptar kush n`past qellu

Thujmni Nans mos t`kan për mu

Gjashtfish veten e kam pagu

Dy për baben shkiet ma kan vra

Kater per veti se hasret m`ka

Komandati ai barbar prej fisi

Bash si bisha syt i livriti

Dy her n`ballë plum ja kersiti

Nue Perlleshi ai zog petriti

Fort për shokë zëmra na i dhimti

I dhimti zëmra po su ligshtu

Bash si rëja arimiqt tuj gju

Kurrniher huq për pa i shku

Sa her qiti ajo grykë e tij

Ka` i Nanë t`mjer qe e veshi nzii

Smujti shokve plumat me jau nal

Veq dhetfish për ta me`u hakmarr

Për ni çast qdo gja ka pushu

Spo gjun Nou as kun su hetu

Thue se toka e paska leshu

Dikush tha Nou ka maru

Komandanti si nder dhâmë

Mshile gojen gjâja e gjallë

Mos po don me mue me u tallë

Me ba unë aty me t`ardhë

Ti leshoj n`tokë krejt dhâmë e tmall

Po t`ish kanë ky Nou i vramë

Kush na i vrau qeta tre t`mramt

Tre çetnik Shumadian

Tre çetnik Shumadian

Kerkush emnin spo din mjau thanë

Pastafat ardhë vullnetarë

Qasi t`gatë ka sa ni lanë

Musteqosha e qehreranë

Specialista te tret me nam

Te armatosun deri n`dhâmë

Ato thika n`brez po u vizllojn

Kem ba luft na ne kater anë

Edhe n`Drenic thojshin n`luft jem kan

Kem vra njerz jau kem ba piskamë

Kem pervoj thojshin me Shqiptar

Taktiqarë e zanatli

Me sa u duk ishin kan sahi

Amatera than mos me na`u perzi

Po dojn vetit me i lan lavdi

Kur ban njeri me i pa me sy

Me t`mush mënjen me siguri

Për tri ansh n`mal paskan hi

Akrobat njani me u tregu

Tuj hi n`mal salltë është rrotullu

Kush e pau ka brohoru

Aman Zot qe n`ketë mejdan

Do ta ken perballë një Djalë

Qe e fal Zoti teper rrallë

Sikur shkypja me krah e fletë

Ah ky Nou po shumë i leht

Her me i anë e her me i cep

Ka`i her zhag kai`her po hec

Thue pertoke hiq spo prek

Nder kontroll po`i ka te tret

Her me i breg e her me`i vij

Pes hektar mretnia e tij

I erdh ma i pari me qit për sy

Edh pse e kish shumë larg

As sekondin sja ka falë

Rrebt ni plum Djali ja ka leshu

Kah midisi e paska shpu

E i za t`shtirë çetniku leshu

Rrokotel ai paska shku

E spo munet ma n`kam me qu

Kamadoraz është fillu

Deri te ara paska shku

Shkunë ushtria shpejt e kan marrë

Ja qun mjekut hala ish kan gjallë

Rrzut pertoke lujke veq me kam

Kur ke nis me dal mejdan

Pat than Noun do ta ha me dhâmë

Për dy tjert ai plum qe krisi

E kuptun për ta mirë nuk nisi

Mirë e njoften se kush briti

Tash kta dy tuj hulumtu

Ku me pa Noun ku me diktu

Kujdes t`madh dyt tuj tregu

Te dyt krahas tuj sulmu

Hapa hapa tuj kundru

Svanoj shumë e jan taku

Medet afer paskan qellu

Veq pes metra paten largsi

Shumë për Noun kjo befasi

Slejon rasti ma për me hikë

Veq me u kthy me ta grykë për grykë

Dy me një për djalin shumë rrezik

 

Ah shtat zëmra ky Zog Petriti

Edhe pse dy i pari jau grabiti

Kurr vetima aq rrebt nuk qiti

N`lule t`ballit t`dytin e qenisi

Po i treti ke qe e ka shëju

Me një plum qe ja paska leshu

Si me krrab faqen me vesh shkallu

Gjaku pip Nout i ka shku

Tu e nrrue hapin me dal ma larg

Edhe i plum Nou e ka zbrazë

Pa e qit n`sy veq qysh i ka ardhë

Gjaku e dhimta t`pamit ja kish nalë

Po Djalit fati i ka nihmu

Bri e m`bri t`tretin e ka shpu

Bash si pula kur mbetet pa kry

Met çetniku n`lloq tuj u shkrry

Deri sa plasi shpejt ne një vij

Me t`shpejt Nou n`tjeter anë ka dalë

Pe man plagen Djali me dorë

Ne një zgurë ai rrasë ish kanë

Der sa t`ban gjaku me ju nalë

E pak n`veti për me ardhë

Po i rrin n`mënje ai duel i rrallë

Qysh aq afer m`paskan pas ardhë

A mos dashten me m`nxan te gjallë

E me mue masanej me u tallë

E n`atë zgurë pak po pushon

Bukur mirë partizant po i ngon

Qysh pe lypin shka jan tuj folë

A e shihni burra qate çoban

Eshtë gabel n`Bokshiq rrogtarë

Lis nuk len pa u kacavarë

Ai lis rrazë malit pak mbi arë

Majen t`nalt e t`gjana degt

Thu se qillen po e prek

Le t`ngjitet ai djali n`atë maje lisi

Mos po i shihet Nout kun Plisi

Komandantit qobani i ka than

Pa njëzet banka kamen se baj

Ti ndaq paret me mi pagu

N`maje t`lisit kam me fluturu

O i kish pas djali njëzet vjet

Po i pa mënçun e haj medet

Pernimën ish kan i leht

Bash si kitrra u ngjit perpjet

N`maje t`majes shpejt u gjet

Bini burra kush ma i pari

Palue koka Nou nder rrâj te Qarri

More i mjer ti mbetsh i zi

Pse nuk thae kun spe shoh me sy

E po m`fyen sod pushken mu

I plum torthurë ja paska lëshu

Tej per tej e paska shpu

E lëshun duert briti kuku

Për teposht koka fillu

Degë për degë tuj u thermu

Keq u ngul ma n`fund me i huu

U lëshun ushtria si ujq t`uritur

Shumë e plumi u leshue prej grykes

Po kush me nxan atë Zog te Shkypes

Kur ushtria aty ka shku

Moti Djali vënin kish nrru

Ah si rëja ashtu rrallë tu`i gju

Asnjëher huq për pa i shku

tre a kater tjer i ka zanu

Do me leste do n`shpin ngarku

po shpejtojn mjekut me ja ofru

Friga n`palcë gjithve tu ju shku

Komandanti po i gjunë dylbitë

Besë spo nxan shka po i shohin sytë

Shtrëjt po m`del sod medet kjo ditë

Edhe malit po i vjen seri

Një ushtri n´luftë me ni njeri

Komandiri për milici

Një burrë trim plot krenari

Don ushtrin ai me kursy

Nue Perlleshi ma mos me i gri

Ni za t`nalt Nout ja ka lëshu

Po n´bafsh ti sod Mue me mu dorzu

T´koft dhan Besa more ti Nu

Gjâ e keqe ska me tu maru

Gjith e dijm je Djalë Drangu

E unë jam ni cerrnagor

I kam traditë Besë edhe Fjalë

Kryet e jap kështu mos me t`dalë

Ty t`koft nera o komandarë

Prej Cetinje qe paske ardhë

Bash n´ket vënd Mue sod me m`falë

SDUE prej TEJE BESË as FJALË

Jam n`tokë tëme du me vdekë krenar

Merr ushtrin tash shko kah ke ardhë

Komandirit e për keto fjalë

Fort inati i paska ardhë

Vet i pesti Nout turr po i ban

Nder ma t`mirt gjith vullnetarë

Sa kan mrri me u rras ne mal

N´kam e n´dor Nou e mur nishan

Dekun n´tok me`i plum e ka lanë

E ja vrau edhe tre ushtarë

Partizan Pali njani m`ish kanë

Partizan Pali ni djalë azgân

Pak mënleht e shumë fjalrânë

Për komandirin fort po i vjen kaskan

Po ja shan Nout ai babë e nanë

Pasha Krishtin ai be po i ban

Bukë te kuqe ma ski me ngranë

Nuk shajn burrat o more djalë

Ne m`lypsh mue qe ku jam

Kurr ma i gatshem për mejdan

E nishan Palin e ka marrë

Ah ni plum qe ja lëshoj shumë larg

Po qysh e mur ashtu bash n`ballë

E ja shukati ato fjalë

Mos vallë Zoti Palin e vrau

Se u ba atë ditë shumë mëkatarë

Bashk me shkie tuj sulmu vllanë

Një ushtarë shkaa qe paska pshtu

Fort po hikte si i terbu

Myzhde momci Noun e kam plagu

Komandanti paska besu

Vullnetar nisi me kerku

Fundin Nout po don m`ja pru

Ai Dibrani doren paska qu

Pa u rras n`mal gja smuj me maru

Veq dy vetë me veti i du

Për qdo rast ata me m`nihmu

U nis Dibrani ne aksion u lëshu

Nue Perlleshi e ka hetu

Hajt Dibran vlla kofsh marru

Sod me shkie qe je rreshtu

Zor po i vjen luftes me ja nis

Po i rrjedh gjaku po i shtohen dhimt

Tu e lidh kamen me mang te kmishs

Nihmom Zot e Ora e Shypnis

Ta fitoj prej klyshit t`Rusis

Kan nis malit tuj manovru

Pozitë ma t`mirë kush me zapu

U nal ushtria ma për ansh spo gju

Mos pahiri t`vet me`i qellu

Dhet dakika sjan vanu

N`shpat e n`breg për lini taku

Shka i bâtë Zotit ju moj t`mjerat âma

Grykë per grykë kta dy vigana

Te dytë perkund me nina nana

Ideali dyvet tu ju prii

Njani për Shqiptari tjetri për parti

Ah dy gishta perniehr shterngu

Ah dy plumba perballë jan shpëndrru

Cupin e krahut Nout zharru

Bash nen mjekerr Dibranin qellu

Zâ spo i del veq tuj gurgullu

E la shpirtin per rus tuj liftu

Gjith ushtria mbet e hutu

Fort mirë Djalit at dit i punoj gishti

Prej njaj vëndi dy pluma si qiti

Si vetima atë ditë kamt e tij

Edhe Akili me ja pas lakmi

Gjasht sahat hiq për pa u nalë

Kater pluma i kishin ba varrë

Kur don Zoti Djalin me pshtu

Terri token e paska mlu

Spo del kush ma me e sulmu

Komandanti urdhen ka dhanë

Rreth e m´rreth me dhez ka`i zjarm

E ta bajm gjith malin dritë

Nue Perlleshi sguxojm me na hikë

Ish lodh Djali e rraskapitë

Buk as uji ne goj pa qitë

Plagt i rrjedhin po`i shtohen dhimbt

Po fryn veri e bani ngricë

Ka i plum djali ka nis me qitë

Me ja nxe pushkes atë grykë

Duer e trup kapak me i paritë

Marshe t`gata n`borë e n`shi

Regjë e rry ai trup i tij

Dymdhet beteja për Shqiptari

Shumë e plagen ne atë shtat te ri

Fort kalitë Personi i Tij

Ska shka i ban sulm as stuhi

Gjysa e nates kur ka ardh

U afrue Nou kah prroni i madh

Sheh ushtrin po nxehen n`zjarm

Breshni plumash jau ka dhan

Tre a kter gjak e varrë

Kaos bani ne gjith atë anë

Nue Perlleshi Burrë i Vertetë

Kaloj rrethin me hapa t`leht

Hiq ushtria se ka diktu

Malin e that mbeten tu e gjuu

Se Atleti i Dardanisë

Marshon shtegut te lirisë

Smund e nxuni rrethi i Serbisë

Smund e vran klysht e Rusise

Si duhi fushes se ilirisë

Nder e lavd gjith Shqiptarisë

Dam e marre tu i lan partisë

Sa hap Djali n`largim qe qet

Për komandantin nga një termet

Kur ja dha shpatit perballë

Komandantit me`i thy jardam

Mirë ja nshoj Djali ni refall

Si veq ai qe ja kish zakon

Ushtoj lugu deri n´Rugovë

Kur jan ni krismat e Tij

Me goj hapt gjith ajo ushtri

Komandanti mirë e ka nigu

Nisi dhâmt tuj kercëllu

Krejt prej mënje turbullu

Bataljonet i ka rreshtu

Pren Gojanit ju ka ngermu

Nue Perlleshin pse me lëshu

Me dorë t´vet e ka pushkatu

Komandanti fort koka ngushtu

Gjeneralit tuj raportu

Edhe sod Nou na ka pshtu

Nuk dij hiq shka me t`kallxu

A është njeri a Drangu

Dymdhet orë me ta kem luftu

Tridhet e tetë sod mi ka zanu

Pa mën Tita ka me met

Dorj ne t´dyve do t`na vert

Ti rrafshon sod ai katerdhet

O moj Zana e Lugut Drinit

Mos je ti Ora e shpetimit

E sju ndave sod Pikes Trimit

A ishe ti Djalit tu`i nihmu

Qe milion pluma sod ja kan gju

E gerrvishten smujten me shpu

E plagosen smujten me rrzu

A noshta Zoti me dorë te vet

Se luftoj djali ne te drejt

Për Atedhe e Komb te vet

Po unë them është e vertetë

Luftoi Nou me shumë kivet

E pat lind nana shumë atlet

I nihmoj Ora e Zëmra e vet

Kush po zhdirgjet aty Lugut t`Drinit

Nue Perlleshi ai pika e Trimit

T´fal me shnet Tits e Stalinit

Hajt shkavella do t´ja shihni tymin

Ju sjau qet me Perendimin

Ligsht e kini ju civilizimin

Prej Kaukazit ju keni dalë

Sjam si ju një sllav barbarë

Djalë ma i miri jam i Agronit t´Bardhë

E nandhjeta kur na mrrini

Mirë na`i duel fjala ketij Trimi

Myzhde Moska e dha dorzimin

E bashkuen prap Berlinin

Nënd vjet ma von taman ndeshkimi

Beogradit boll mirë na`i dulë TYMi….