Demir Krasniqi: Prej Adriatikut deri në Egje

Prej Adriatikut deri në Egje

Prej Adriatikut deri në Egje –

Bijtë e Ilirikut e kanë një Atdhe !

Bijtë e Ilirikut , t’ nënës Ilirike –

Kanë Atdhe t’ çelikut – Shqipërinë Etnike !

Në Kala të Krujës , ku fliste shqip Zoti –

Krenari e mburrjes – u lind Gjergj Kastrioti !

Biri i shqiptarisë – trim e luftëtar ,

N’ faqe t’ historisë – mbeti legjendar !

Doli Oso Kuka, n’ kulla të Vraninës –

Dhe ia faroi cubat Vulës së Cetinës !

Ai , ia nxori gjakun motrës së Avdisë

Dhe ia rriti nderin kombit t’ shqiptarisë !

Porsi Oso Kuka, n’ kulla të Vraninës –

Luftoi Ali Pasha , n’ Kala të Janinës !

Luftoi Ali Pasha , trim nga Tepelena –

Pashallarët turq , seç na i la pa krena !...

N’ drejtim  t’ Manastirit , fluturuan shqiponjat –

Ngritën Alfabetin dhe na i sollën shkronjat !

N’ qytet t’ Manastirit , përmes të Kongresit –

Lindi Alfabeti , si ylli i mëngjesit !

Ismail Qemajli me flamur në dorë –

Shqipërinë e pavarur e shpalli në Vlorë !

N’ Prekaz të Drenicës , n’ Kullën e Jasharëve –

U lind ylli i dritës – Meka e Shqiptarëve !

Gjilan, më 10.01.2016.        Demir Krasniqi