Ramiz Lushaj: Ti, rrëfejë tek Statuja e Lirisë

Ramiz LUSHAJ

TI, RRËFEJE TEK STATUJA E LIRISË

O Kamber Kadri Kuka,

Kur stërgjyshërit e tu luftonin me 7 krajli në Nokshiq

Në Luftën Parathënie Shqiptare të Shpalljes së Pavarësisë

Në Nju Jork, pas Revolucionit Amerikan, ngrihej Statuja e Lirisë.

Ata, stërgjyshërit e tu, atëherit,

Nuk kishin kohë të lexonin libra

Nuk kishin kohë të shëronin as plagët

Emri e veprat e tyre u banë libra të kohës

Jeta pushkë e plagët luftë iu banë flakadan

Në malet, luginat e udhët historike të Gucisë e Plavës.

O Kamber Kadri Kuka,

Kur stërgjyshërit e tu në luftë me 7 Krajlitë e Kohës

E kishin pushkën urë të historisë

Kulm të kullave e tokës. Forcë të dijes e kockës…

Në Amerikë ngrihej Ura e Bruklinit

Një nga Shtatë Mrekullitë e Botës.

O Kamber Kadri Kuka,

Ty nuk të njohën televizionet e gazetat në asnjë ditë

Ti nuk ishe personazh i tyre në asnjë kronikë.

Ti udhëtoje krenar me emrin e patriotit Hasan Isuf Kuka...

Ty të përndoqën nga vendlindja Sllavët e Pushka…

O Kamber Kadri Kuka,

Ti ëndërroje një “Urë Bruklini” me dashuri…

Nga Amerika e madhe në të voglen Plavë-Guci.

Si në ditët që sjell Paqja. Si në ditët që pret Lufta.

Nga Nju Jorku i largët deri në vllazninë tande, Kuka…

O Kamber Kadri Kuka,

Ti, i thjeshti njeri i mirë i kohës, atje, larg në Amerikë,

Shpesh të çonin hapat e fjalët tek Statuja e Lirisë.

Ti rrëfeje për Luftën e madhe të Nokshiqit…

Për Masakrën e përgjakur e të pa hapur të Previsë,

Për plagët e pambyllura të Plavë-Gucisë.

-Per ZemraShqiptare nga Tirana, fund-dhjetori 2015-