Rrustem Geci: Lufta III Botërore

LUFTA III BOTËRORE

Në Roganën ku unë jam bimur

zemër e lisit stuhinë e ndien

të gjallë janë yjet, i urtë dielli

atdheu është më e dashura grua

I përgjakur jam deri në shpirt

xhepat i kam krejt të harruar

kraharorin me beteja luftërash

dhe jetën, me grimca çastesh

Fol o luftë ! Fol kafshë e zezë

të gjithë popujt janë përgatitur

kjo botë e të gjithë neve, drejt

luftës (vëllavrasëse) po shkon

Në rast të një Lufte të tretë

poet i Roganës, ku do të jesh

në studion tënde, a diku tjetër

në luftëra qielli nuk jep as lot

Kosovë, toka sheh dhe dëgjon

të mëdhenjtë po bëhen gati

Prizreni të gjithëve na thërret

të bashkohemi rreth flamurit!

Rrustem Geci - Dortmund, 2. 12. 2015

KUR POPULLI PYETË

E vërtetë është toka, i vërtetë dielli

pushteti s´fitohet duke e vrarë fitoren

pushteti s´mbahet duke e vrarë atë

në kuvend s´shkohet me helm e armë

Kosova s´ është vetëm e deputetëve

ajo është e të gjithë qytetarëve të saj

Poshtë premtimi i atyre që do të vijnë!

Poshtë lavdia e atyre që po shkojnë!

Populli po heshtë, populli po shikon

çka jeni duke bërë me votën e tij, ku

po e harxhoni besimin që ua ka dhënë

pse s´flisni mes vete, pse s´ bisedoni

a e shihni në çfarë  belaje  keni rënë

Kosova  po  sheh, Kosova  po  shikon

Poshtë premtimi i juve që do të vini!

Poshtë lavdia e juaj që po shkoni!

Lënia inateve është e domosdoshme

firma mbi marreveshtjet s´do duhej të

hidhej. I druhem këti j zgjimi të vonë

pushteti s´fitohet duke e vrarë lirinë

as pushteti s´mbahet duke vrarë atë!..

Rrustem Geci - Dortmund, 18. 11. 2015