Dibran Demaku: Letër burrave të vendit dhe kuvendit!

Dibran Demaku

LETËR E HAPUR BURRAVE TË VENDIT E TË KUVENDIT!...

Unë  e  di se  më nuk është asgjë si më parë!

Unë e di se fjalët burrërore nuk vihen më në kandar!

Unë e di se traditave më të mira kombëtare u janë shkaktuar plagë e varrë!

Unë e di se pothuajse nuk na ka mbetur asnjë grimë e vogël që të ndihemi krenar!

Unë e di se po na përpinë nata e zezë!

Unë e di se sytë e mendjen na i ka mbuluar një krahnezë!

E liga ka lëshuar rrënjë në trojet tona,tek pragu!

E liga ka lëshuar helm tek mishi e tek gjaku!

E liga na është ulur këmbëkryq në mendje e na e ka errësuar mendimin!

E liga e ka stërkequr edhe burrin më të menqur e më trimin!

E liga e ka turbulluar edhe ujin e detit e të lumit!

E liga na i ka prishur edhe ëndrrat e gjumit!

E liga ka hyrë si mikrob dhe ka shuar çdo shpresë

E liga po bren çdo fjalë burri e çdo besë!

Nuk po mund të dallojmë më të riun as të vjetrin!

Nuk po duam ta shohim më as njëri-tjetrin!

Krizat politike,ekonomike e morale,

kanë lëshuar rrënjë si në det koralet!

Veç për krizat politike e morale kujdeset ngapak shteti,

Për krizën morale nuk qanë kokën as i pari,as i dyti e as i treti!

Kriza morale po na e ndryshon mishin e gjakun!

Kriza morale po na e shkatërron familjen e pragun!

Kriza morale po i sulmon gjakun,zemrat,

Kriza morale po na e ndryshon embrionin dhe emrat!

Zgjohuni burra të vendit e të kuvendit!

Dhe dilni zot kombit e vendit!

E kryeni ca punë si burrat e motit!

Të mos koritemi në këtë kohë të sotit!...