Muharrem Kurti: Në vendlindjen e Fishtës

Muharrem Kurti

 

NË VENDLINDJEN E FISHTËS

 

Në vendlindjen e Fishtës

Përballësh me krenarin dhe trupin

Dy ullinj ilirik dëshmojnë

Madhështinë e Fishtës

Dhe tiranin komuniste

Për një çast

Të vjen keq që je shqiptar

Kur shikon harresen e vershuar

Me therra dhe driza përsipër historisë

Trolli i bekuar i pa përtrirë

Vetëm me ca gjurm themelesh të kullës

Mbi një kryq një shqiponjë

Në lugnojë të Zadimës

Të thotë –këtu Fishta pa

Diellin për herë të parë

Shqip zanat flisnin atëherë

Dhe erdhen klyshët marksistë-leninistë

E e fshin historinë

Pesëdhjetë vjeçare të Fishtës

Rusisht

Dhe rusisht  ranë perdhe...

 

 

ALI PODRIMÇE

(në kujtim të poetit të madh)

 

Ike apo ndrrove vend

 

Le të mbrohen pëllumbat bre

Nga gjarat dhe grabitqarët

 

Është kob të matemi me varrët

 

Mos o Zot të harrojmë vetveten

Në zgrips të historisë

 

He de ,je i ri e mos lejo

Të të kapin për hunde

As armiqtë

As miqtë

 

Jam me ty

Të trolli i moçem

Mos ik...

 

 

BALLKANQE

 

Liria –fushëbetejë e gjelave

E llogoreve në të dyja anët

Me armiq që shtiejnë

Për të arritur atje

Ku fitoria qëndron

Mbi humbjen e tjetrit...

 

 

NUK JEMI ARMIQ

 

Të fitosh do të thotë

Të të lejoj edhe ty

Suksesin tim

 

Të humbasësh do të thotë

Të vuash edhe ti për mua

Disfatën time

 

Nuk jemi armiq

Flasim të njejtën gjuhë

Thithim të njejtin ajër

Zgjohemi e biejmë

Në të njejtin (at) dhe...