Agim Gashi: Trimave

AGIM GASHI

TRIMAVE

(Kushtuar vëllezërve Gërvalla e Kadri Zekës në 32 vjetorin e vrasjes)

Në atë ditë të 17 janarit,

UDB-ja shkrep armët e krimit,

N´prag të derës i vranë vëllezërit,

Në zi Karadaku e n´zi Dukagjini.

Pyeta malin e pyeta fushat,

Pyeta detnat, lumenj, liqene...

Kush i vrau e pse i vrau?

S’më tregoi as Lybeteni.

Shkova në Untergruppenbach

Me e pa vendin ku janë vra,

Pyeta edhe zogjtë shtegtarë,

A thue vallë gjë keni pa?

Mu te vendi ku u zbazën plumbat,

Mërgimtarët ku kanë ra,

Në dhe të huaj për liri atdheu,

Me gjak shqiptari tokën la.

M’u afrue një zog gjermani,

Cicëron me mallëngjim

Këtu u vranë djelt e lirisë,

Gjaku i derdhur u shëndrrue n’kushtrim.

Bardhosh djal, o i vogli vëlla,

S’më la gjaku plumbat me t’i pa,

Kadri, o vlla, e trim,

Karadakun e le jetim.

O Jusuf zemërluani,

Të kam vlla e të kam n´zemrër,

N´gjysmë ta ndalën këngën tënde,

Që Kosovës i jepte emër.

Na kan shkue tridhjetedy vjet,

Do të shkojnë edhe shekuj të tjerë,

Lule t´freskëta në varret tueja,

Do t’ju sjellë populli përherë.

16.01.2014 Düren