Pranvera Gjoni: Meshë Krishtlindjesh!

Pranvera Drita Gjoni

MESHË KRISHTLINDJESH!

"Ju uroj nga zemra GËZUAR KRISHTLINDJET!"

Në emër të Atit,

mbroje vegjëlinë,

nga padrejtësitë e njeriut mbi njerinë.

Falju atyre mëkatet,

ndaj vetvetes dhe tjetrit.

Pastrojua mendjen,

nga errësira dhe e keqja...

*

Në emër të Birit,

mbushi me dritën e shpresës,

të vazhdimësisë,

të vëllazërisë dhe të besës...

Jepu besimin,

mirësia, zbukuron jetën.

*

Në emër të Shpirtit,

falu qetësi,

bijve të tu...

Ndezu yjet e shkëlqimit,

të devotshmërisë,

të ndihmës,

të përkrahjes,

të diturisë,

të moralit,

të atdhedashurisë.

*

Në emër të Shenjtit,

vë dorën e bekimit mbi lëngimet,

dhimbjet,

jetimet,

të sëmurët,

tek fëmijët dhe të moshuarit...

*

Amen! Ameen! Ameeen!