Nebi Dragoti: Apelon Rilindja

NEBI DRAGOTI

 

APELON RILINDJA

 

Poemë

 

Mbi pluralizmin partiak,

si mbi pëllëmbë të dorës

ngrihet,

bubullon,

shkreptin

Rilindja…

 

Stinë e mbrapshtë,

stinë e thatë;

do shi toka,

ripërtritje do,

do blerim:

Rilindja apelon,

apelon Atdheu im!

 

Analizë e vargjeve

konformë realitetit,

e bërë mirë:

i mirret fryma shoqërisë;

toka u tha,

për shi

toka u ça.

 

Populli im,

vazhdojmë himnin,

himnin e Rilindjes

vazhdojmë,

Populli im!

 

Politikë vizionare,

politikë e re

e Rilindjes,

madhështi e Atdheut

e shekujve të ardhshëm

me aureolë

paqëdashëse…

 

Politikë e vjetër

të shkrihet

si skrap

në furrënaltat

e Rilindjes!

 

Politika

rreze Rilindje,

rreze diellore

të ketë frymëmarrje!

 

Atdheu të bëjë

hapa gjigandi

përpara:

të vjetrën,

konfliktualen,

ngërçet politike

bashkarisht

t’i çojmë

në varre!

 

Qeverisja

do pastërti,

pastërti

dhe vetëm pastërti;

punë,

punë

dhe vetëm punë…

 

Qeveri e Rilindjes

prozhektor sa globi,

prozhektor

shprese,

dinjiteti;

Qeveri e Rilindjes,

burim i mirëqënies

në ngjitje!

 

T’i përzëmë

politikanët sharlatanë,

shih shtetit ç’i bënë,

nuk duan shtet;

shtetin duan ta hanë,

kolltukofagët

për humbje kolltuqesh

ulërijnë

të paaftët

si çakenjtë…

 

Nuk janë

as për pluralizëm,

për prapanicën e tyre

janë si kaçakë,

kaçakë torollakë!

 

 

Dëgjomëni,

hapni veshët mirë!

Për këta soj sorollopi

vend nuk ka

në skenën politike,

nuk janë

për të drejtuar

Shqipërinë!

 

Politikë e re

duhet,

duhet

RILINDJE

në politikë!

 

Ti ,miop politikan,

ti,i sëmurë,

shoqëria kërkon,

kërkon Republika

Demokraci të pastër!

 

Mjaft

dhe ju servilë,

politikanë elozhesh

të mbrapshtë;

të bashkohemi

rreth Republikës!

 

T’i shembim politikanët

që nuk duan shtet!

Ky vend

ka dhe të tillë

sharlatanë

për dreq!

 

 

Varg futurist,

godit,

drejto

me stil majakovskian,

akuzë,

 predha akuze,

e kërkon

 drejtësia sociale!

Jo ca prej nëne,

ca prej babe!...

Ca të pasur,

ca në skamje!…

 

Miop partiak,

djathtist,

 (qofshë dhe majtist),

vë lente zmadhuese,

mirë shikoje gjëndjen:

poshtë,

 anash;

shikoje si paren në dorë,

gjer në qiell lart.

 

I mykur,

mikrob,

shkundu;

zgjohu !

Na thërret

zëri i Republikës,

për të bukurën,

 Republikë!

Për veten

të zgjohemi!

 

Mjaftë

papunësi,

 drogë,

zvarranikë burrokratësh,

 zinxhirë korrupsioni,

korrupsion zorraxhinjësh

nëpër këmbë,

shikoji:

na pengojnë!

Të pengojnë ,Republikë!

 

Na pengojnë

të ecim

më mirë,

më bukur,

të fortë ekonomokisht,

të fuqishëm,

krenarë

si bijë të Shqipërisë!

 

Ti,

 që del kundra Rilindjes,

xhepambushur je

nga korrupsioni,

dallaverexhi

intrigash politike;

qiqra në hell

mbjell,

na servir gënjeshtra

me bisht

për rritje ekonomike…

Se s’paskim krizë?!...

 

Shiko:

tokat

djerr,

fushat në dënesë

 kthehen

kënetë…

Bujqësia

si në vitin ”30.

 

Shiko çmimet

nëpër dyqane,

listat e gjata

të fryra me hallet

nga plagët e skamjes

“të popullit fukara

që ecën mbi florinjë!”…

 

Ku e ke Shën Naumin?

Kush vë gërshërë,

kush ëndërron të kafshojë

 ujërat territoriale?

Kush ka kafshuar

…tokën shqiptare?

Në ç’xhepa kanë shkuar?...

Në ç’bark prej bajlozi

të politikanë maskarenjve

me maskë hajduti

që kurrë

nuk janë atdhetarë.

 

Nuk ecet me mjeranë,

politikë matrapazësh

e pistë,

me kancer butaforik

në mendje,

politikë ulkonjash,

shtatzëne me nepotizëm,

si ulkonjat e babëzitura,

në pangishmëri të uritura,

që hungurojnë nëpër ngricë

në malet festebardhë

gjakosin bardhësinë.

 

Ju,miopë zyrtarë,

Ju, ujëvakët të tjerë,

mosprishës qejfi,

kukuvajka,

indiferentë,

brejtës

siç bren

mola trerët,

i thirrni vetes!

 

Miopë barkdhjamur,

vini lente zmadhuese;

korrupsionistëve

burimet do t’ua thajmë,

xhepat

mbushur nga hajdutëria

t’ua çajmë

si me thikë.

 

Rilindjen

ta këndojmë himn:

është për mua,

është për ty,

është për ne,

për ne,

sa jemi shqiptarë,

të gjithë!

 

Rilindja

apelon:

-Si gishtat në dorë,

 Shtërnguar e ngrohtë,

fortë

rreth meje,

bashkohuni!

Është i yni,

Bijë i jemi ne

këtij dheu,

këtij qielli paqësor!

 

Ta ngremë,

ta pastrojmë

Republikën

nga llumi

i padrejtësive

ku ka rënë!

T’ia fshijmë

faqet

Faqebardhës!

 

Do Republika,

sot,

domosdoshmërisht;

Republika flet,

thërret

për shtet ligjor:

-Brofni në këmbë,

rreth meje,

solid,

bashkohuni

me një zë,

zë zemre,

me besim

në politikë,

sfidues

me këngë!

 

Me mëndje të kthjellët,

të qartë,

të urtë,

me utësi filozofike,

shikimin përpara!

 

Kërkohet

Reformë,

Rinovim,

punë dhe guxim:

arrijmë

ta bëjmë,

e bëjmë fort mirë

për zonjëzën tonë,

zonjëzën ,

fisniken,

të madhërishmen,

Perëndeshën

Republikë!