Xhavit Gasa: Gjenerali

XHAVIT GASA

GJENERALI

Gjeneral Gjin Markut udhëheqës i luftës

për çlirimin e Shqipërisë, vdiq në burg i shpallur

si armik i partisë komuniste

Bukuri të rrallë,

të dhuroi natyra,

trashëgim nga të parët,

të erdhi mençuria...

Strateg në luftë i pari,

cep në cep Shqipërisë,

ato grada GJENERALI,

oh...sa të hije të kishin...

Ç'tu thërmuan endrrat,

o gjeneral i lirisë,

podrumeve të errta....

brënda mureve të qeilsë...

Gjeneral ishe,

gjeneral mbete,

shqipet nuk vriten,

trimat nuk vdesin....

Ç'TA KËPUTËN VALLEN

(Valltarit matjan Zyber Sala

Bashkëvalltar me Besim Zekthin,

që u prangos nga regjimi komunist

dhe u dergj burgjeve deri në pleqëri)....

Të dridhej toka nën këmbë,

kur valles ja merje lehtë-lehtë.

Përbinshëm ti prenë flatrat,

në mes vallen ta ndalën...

Ç'ta këputën o Zyber Sala vallen,

si luleve petalçelura petalet.

I thinjur ishe kur fitove lirinë,

vallja hije të kishte si dikurë në rini...

Sa gurë të çmuar të kulturës,

thërmoj barbarisht çizmja e diktaturës...

HOMAZH

(Për artistët Matjanë që lanë gjurmë

në kulturën matjane dhe kombëtare ndër vite)

Dua ta mpreh penën nëpër rrasat e gurit,

dhe të ec nëpër shtigjet e Pjetër Budit.

Të ec pa ndaluar shteg pas shtegu, gurë pas guri,

gjurmëve të historisë,rrugës së shtruar nga Dilever Kurti.

Lahutës dhe çiftelisë t'ju terezis telin,

të xhelozohen bilbilat me zërin  Qamil Xhikës e Nezir Nelit.

Nëpër festivale oda dasme dhe sheshe,

si Fadil Berberi e Isuf Kryekurti të kërcej zebekshe.

Të prek me dorën time këtë djep kulture e arti,

që gdhendën dhe mbajnë gjallë artistët e Matit...