E shtune, 22.06.2024, 02:55 PM (GMT+1)

Kulturë

Agim Gashi: Derës sime veni ferra

E enjte, 24.10.2013, 07:26 PM


AGIM GASHI

 

DERËS SIME VENI FERRA

 

Kot ven kurora lulesh në derën time

Mu ka mbyll ajo ka shekuj

Bashkë me derën është mbyll edhe zemra ime

Malli më i rëndë se plumbi

 

Kërkova pak dashuri gruaje

Më përbuzën

Kërkova pak dashuri atdheu

Më ndoqen

Kërkova pak dashuri shtëpie

Derën ma mbyllën

Qyrravem shkurrave të huja

Një fjalë të mirë askush sma flet

 

Mbetëm vetëm miku im

Si është keq e më keq

Ti me një pjesë në trupin tim

E trupin në varr

Unë me një pjesë të varrosur

I vdekur ndër të gjallë

Pasha besen spaska më zi

 

Herë ham e herë durojmë

Bukën that se kemi

Me lot mëngjes drekë e darkë

Flasim unë e ti

Ti me mua e unë me hijën tënde

Grindemi rrallë për asgjë

Kthehemi e kërkojmë falje

Përqafohemi fort

Pjesa ytë në trupin tim rron

 

Një shtrat na duhet por se kemi

Tridhjetherë na del gjumi

E natën tmerr e kemi

Sdi në cilën botë jemi

Le ta haj kfsha e zezë

Or vlla kur jetën tmerr e ke

Të harroi gjaku yt

Për një pendel n´fluturim

 

Dhe pendla është e jona thanë

Për atë pendel ti sguxon as buk të ngihesh

Sguxon as të dashurosh

As grua pranë me tu afrue nuk bën

Ti duhet të veprosh si të themi ne

Përndryshe denimin e ke

Të rëndë sa pesha e maleve

Më helmues se helmi i kobrës

Më të idhët se pelimi

Më të zezë se katrani

Ferrin për së gjalli do ta kesh

 

II

Pasha besën sot e pash jetën si duhet

Kjo botë me sherre të mëdhaja kenka

Njerzia ka ndryshuar fort

Shumë u bënë mjeshtër të dhunës

Disa mjeshter mashtrimi

Disa tjerë mjeshter plaçke

Mjeshtër hajnie e korrupcioni

Mjeshtri të tilla kurr sia kam dëshirue

Kësaj toke të Dardanisë

Që kurr su ndal së rënkuari

Mu si unë që rënkoj vetë i dytë

Prap po më dalin në pritë

 

Ndaj asaj që po ndodh

Çdo fjalë është e kotë

Lus Zotin e Madh

Askund mos të ketë morbiditet

Po a ngrihet dorë në njerz të sëmurë

Në njerz pleq e sakat

Në gra shtatzëna e fëmijë

Këtë mund ta bëjnë

Vetëm kriminelët e friksuar

Ku është ndërgjegja njerzore

Sot në atdheun e shqipeve

I duartrokitet edhe krimit

 

U ndala pranë një kontenjeri mbeturinash

Plehu kundërmonte e frymën ta zinte

U kollita e u teshtiva fort

Nga zhurma e krijuar

Një qen e një macë të fshehur pas kontenjerit

Ua dhanë këmbëve

Si të ishin para pushkëve të gjahtarëve

Luftën sdo të thotë se e fiton ai që e nis i pari

Por ai që beson në arsye

Në dashuri

Në vajin e fëmijëve...

 

Nuk dua të bëhem emocional

Për një gjë jam bindur që moti

Të mirën askush nuk mund ta shuaj

E ajo gjendet në anën time

Edhe gjërat e liga duhet shënuar

Krimi askujt nder si bën

Dhimbje e dhimbje kam në shpirtin tim

Në shtëpinë time pa portë e dritare

Veni kurora ferrash

Ka fillur edhe arsyeja të ndryshket

Ka nis të pikoj gjak

Kah i bie Kosova oreeeeeeeeee

 

22.10.2013

Dyren A.G.



(Vota: 3 . Mesatare: 3.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora