Pal Neçaj: Guri më thërret

Guri më thërret

Nga Pal Neçaj

Del në maje të Kakisë

Një gur ngjyra-ngjyra si ylber

E më thërret:

Eja e më merr,

Bej nga unë një statujë të vogël,

Në formen e Atdheut.

Ose më vendos diku

Në murin e kullës tënde.

Eja më merr,

E emrin tënd shkruaje në mua,

Se besen të dhash,

Emrin tënd do të ruaj.

E fjalë do të çoj,

Kur të çeli qershia e parë,

E fjalë do të çoj kur në degen më të lartë,

Do të mbetet vetem një kokerr mollë,

(kuqulushkë vjeshtore).

Duke të pritur ty,

E fjalë do të çoj,

Kur dimri me lot bore

Do të qajë në halat e pishës

Tek kulla jote në Peraj.

Eja e më merr

Në mua shkruaje emrin tend

Se besen të kam dhënë

Ëndërren do të ruaj.