Pirro Prifti: Deputetët e shitur Socialistë

Deputetët e shitur Socialistë- dhe amoraliteti në Politikën shqiptare

Nga Pirro Prifti

Askujt në Shqipëri  nuk i bëri  përshtypje një  maskarallëk të pashëmbullt  i cili në cdo vend perëndimor nuk do të kishte ndodhur, thjesht për arësye të qytetarisë  dhe të dinjitetit që duhet të ketë një individ në rangun e parlamentarit por edhe sepse  kushtetutat e shteteve të zhvilluara perëndimore nuk lejojnë që deputetët  të cvendosen si tu dojë qejfi në një kohë kur ata janë bërë deputetë me votat e elektoratit përkatës të majtë.

Porn ë Shqiëri- amoraliteti politik dhe shitja e votës ashtu dhe shitja e deputetëve nuk përbën as cudi dhe as ndëshkohet-  por c`është më e keqja, këto veprime quhen `zgjuarsi`…?!!!

Nuk mund të ndodhë një absurditet I tillë që një deputet I majtë  të votojë djathtas  kur  ai ka fituar nga votat e së majtës

Nuk mund të  ndodhë që për një debat më kryetarin e Partisë së tij, deputeti të ketë guximin të  tradhëtojë elektoratin e vet,

Nuk  mund të ndodhë një fenomen I tillë parlamentar dhe të mos ketë  hapësira ligjore të zëvëndësimit të menjëhershëm të tyre, në rast të një votbesimi  të rëndësishëm si ai që ndodhi para  disa ditësh kur u prish koalicioni i Maxhorncës.

Dihet që Shqipëria dhe demokracia e saj e brishtë e ka të pamundur që të stabilizohet pikërisht sepse politika shqiptare dhe politikanët shqiptarë (sidomos ata të partive të mëdha) ka lënë me qëllim gjatë këtyre  22 viteve, hapësira të tilla ligjore në të cilat parlamentarët tanë të nderuar të zgjedhur me votën e elektoratit përkatës (në rastin tonë-ai socialist) të lëvzin sa andej këtej brënda cdo spekti politik parlamentar sidomos në dy raste:

-           Kur atyre u ofrohen para nga kundërshtarët (e ashtuquajtura `pay per view` mediatike)

-           Kur ata humbasin dinjitetin dhe moralin e tyre njerëzor dhe tradhëtojnë  (me tërë kuptimin e fjalës) njerëzit që I kanë zgedhur dhe respektuar-duke  u jusfikuar me argumentin tërësisht bajat dhe të pështirë  se… veprimet e kryetarit të tyre nuk u pajtokërkan me idetë e tyre…

Me pak fjalë, sot po marrim vesh se spiunët apo Juda-t në politikën shqiptare nuk qënkan zhdukur, meqënëse spiunllëku ishte karakteristikë e rregjimit komunist, por përkundrazi janë duke mbytur demokracinë parlamentare shqiptare të brishtë dhe duke i bërë shërbim të madh (pa dashje ndoshta) mugesës së stabilitetit politik në vend.

Në rastin në fjalë , të tre deputetët (pseudo) socialistë  votuan kundër grupit parlamentar socialist duke mbështetur dhe votëbesuar qeverinë aktuale të maxhorancës pikërisht kur ata vetë kishin kohë që ishin të përgatitur për një rast të tillë kur koalicioni qeverisës u ca dhe u shpërbë në fund të qeverisjes  katër  vjecare nga largimi i LSI.

Cdo të thotë kjo?  Kjo do të thotë se këta të tre deputetë paskan vepruar  njëlloj si spiunët e luftës së ftohtë të supërfuqive në formën e `bug` dhe, në   e duhur sipas `his master voice`, ata braktisën pozicionin fillestar dhe dalin hapur kundër.

Kështu kanë vepruar që në fillim socialisti` Kastriot Islam , se në fakt është një rast i rrallë si Profesor, i cili të luajë rolin ë `bug`-ut vite me rradhë, aq sa dhe Fatos Nano e konstatoi këtë professor si  `jo të tyrin`.

Profesor Islami- prej vitesh luante rolin sipas tij `te moderator` apo të ideve të pavarura, por në momentin `X`, ky Profesor u largua menjëherë sapo vuri re që do të zbulohej tashmë (për shkak të ndryshimeve në PS), sepse  në ishte në fakt vetëm një `bug` i partisë kundërshtare dhe ndryshoi pozicion kur mori urdhërin përkatës të `his master voice`.

Një turp i vërtetë: të shesësh programin, shokët , idealet pë një klientelizëm të pastër.

Dhe këtu e ka fajin jo vetëm boshllëku I qëllimshëm ligjor por dhe idetë nanoiste të lëvizjës `fluide` të parlamentarëve nga një krah në tjetrin duke e justifikuar këtë me idenë e lirisë dhe demoracisë por duke harruar qëllimisht se këta parlamentarë janë të zgjedhur me një votë të determinuar, votë e cila nuk mund të lëvizet sipas qejfit.

Pak a shumë edhe dy deputetët e tjerë: Asllan Dogjani dhe Gjovalin Kadeli vepruan gjitashtu në mënyrë totalisht klienteliste duke harruar qëllimisht jo vetëm Partinë, programin e saj, dhe shokët, por dhe moralinsë bashku me dinjitetin që duhet të karakterizojë një politikan serioz.

Trigeri që inicioi prishjen e koalicionit të maxhorancës-shkaktoi jithashtu edhe zbulimin e `tradhëtarëve socialistë`,  të  cilët  automatikisht  për ri-balancuar humbjet e maxhoranacës,  u detyruan të dalin haptaz kundër partisë dhe elektoratit të tyre duke zbuluar prannë si të infiltruar në atë parti. Demaskimi nga ana e Kryetarit të Partisë Socialiste disa ditë përpara largimit të LSI nga koalicioni qeverisës, të dy deputetëve:Dogjani dhe Kadelli, tregon edhe nuhatjen e PS e të Kryetarit të saj për `leaking` e mundshëm në një rast të rëndësishëm si ky, kur votbesimi I qeverisë me anë të numrit të votive do  të ishte vendimtar në rast se këta dy Juda-t nuk do të ishin të tillë; për pasojë, qeverisja e maxhorancës do të binte dhe mundësia e krijimit të një qeverie teknike do të ishte reale.

Kjo mundësi nuk ndodhi sepse maxhoranca qeverisëse paska patur përvec profesorit Islami , edhe dy `spiunë` tip `bug` të tjers, që në cdo rast do të stabilizonin situatën.

Kjo tregon edhe karakterin e dobët të tyre.

Kjo së fundmi  tregon edhe njëherë se sa të rreme, kallpe, dhe hipokrite janë jo vetëm  aleancat politike midis partive kryesore, por edhe se sa të papërgjegshëm dhe sesa klientlistë janë deputetët të cilët nuk e kanë për gjë të ndërrojnë `kostumin` politik, dinjitetin personal dhe moralin e tyre në raport me votuesit dhe elektoratin i cili priste dhe pret prej tyre një përgjegjshmëri dhe solidaritet politik në veprimet opozitare, të cilat, kur vjen momenti  për të marrë rezultatet- na dalin profesorët-deputetë, na dalin deputetë të infiltruar të cilët duke përfituar nga boshllëqet e qëllimta ligjore , duke u justifikuar  me sofizmat nanoiste të `votave fluide` apo `cvendosjve sipas interesit`  të deputetëve në grupe parlamentare, apo me apologji bajate si ajo e professor Islamit- se… nuk pajtohem diktatin e Kryetarit të PS.

Mendoj  së fundmi se  politika shqiptare ka nevojë të madhe për një reformë  ligjore ku të vendosen pikat mbi `i` përsa i përket lëvizjeve të deputetëve brënda parlamentit, sa në një krah politik në tjetrin duke mohuar votën e elektoratit që i ka zgjedhur por dhe detyrimet morale, e dinjitetin si parlamentar.