Roland Sylejmani: Mjerimi Gazetaresk!

Mjerimi Gazetaresk !

Nga Roland Sylejmani

Etika, liria, profesionalizmi dhe e vërteta janë shtyllat mbi të cilat duhet mbështetur çdo gazetarë qe synon të jetë në shërbim të publiku.

Pothuajse në çdo vend demokratikë ku media vlerësohet ekzistojnë asocacione apo grupacione gazetaresh të cil ë t mbrojnë interesat e përbashkëta kolegiale: në Kosovë kemi AGPK-në  për të cilin personalisht nuk gëzoj ndonjë simpati.

Si asocacion nuk është se ka kryer funksionin për të cilin thirret që është ti dalë në mbrojtje gazetarëve të cilët punojnë pa ndonjë orar, kërcënohen me rrahje madje edhe me vrasje. Maksimumi çfarë ka bërë si subjekt i mbrojtjes së gazetarëve janë disa komunikata për media që dënojnë raste të caktuara.

Imagjinoni ky grup qe konsiderohet “koka” dhe mburoja e gazetarve në Kosovë, për ti dalë zot neneve të famshme të kodit penal që cënojnë rëndë  lirinë e mediave në vend.

Më kujtohet kur deputetaja Alma Lama nga radhët e Lëvizjes VETËVENDOSJE u ngrit ne kuvend dhe denoncoi keto dy nenen duke i konsideruar si rrënim i lirisë së medias.

Pastaj asocacionit i është dashur që t’i lëpihen Zv. Kryeminsitrit dhe Ministrit të Drejtësisë Hajredin Kuqi, duke i shkuar në zyrë; ky i fundit shfrytësojë shumë mirë dobësinë e gazetarëve duke bërë një telenovelë, me dorheqje e me rikthim, që të rregullohen ato nene.

Në të vërtetë kujt po i mbetet merita dhe çfarë bëri ky asocacion përpos servilizmit ndaj ministrit “gardianit të gazetarëve” ?! I cili siç duket vetë ishte ai që e krijojë gjithë këtë mishmash.

Çfarë mund të themi për një subjekt që duhet ti rrijë larg politikës, e në fakt, janë pikërisht disa prej tyre që i vardisen kësaj politike e cila ju sjell nene të dëmshme, që ti zhvarsë, përdorë, e ti shantazhojë.

AGPK-ja dje zhvilloi zgjedhjet, zgjedhje që shkuan me shumë zhurmë, e me kritika të ndërsjellta nga gazetarët për keqpërdorime dhe “qershia mbi tortë” ishte zgjedhja  Llukës ne krye te ketij agjensioni, për habi duke lënë pas Halil Matoshin, Vehbi Kajtazin dhe kryetarin e deritanishëm të ketij bordi Arben Ahmetin.

Nuk habitem për zgjedhje të tilla, sepse formimi intelektual që kanë shumica prej gazetarve sot në Kosovë është për keqardhje. Mjafton të shkosh në Kuvend dhe gjen gazetar qe u vardisen gjithë kohën deputetëve duke iu zgërdhyer Kamishave e Grabovskave, e deputetëve të tjerë.

Gazetarë që shkruajnë për njerëz dhe subjekte të caktuar, për interesa të ngushta, artikuj të paguar, televizione, media, portale gjithandej si këpurdha pas shiu.

Nuk është hera e parë që ky asocacion befason :

Para dy vitesh ky ka fituar njeë donacion prej  rreth 200 mijë dollarësh nga UNDP-ja e cila shumë parash nuk dihen se ku u avulluan.

Ku mbeten ato, pse nuk përgjigjet askush se ku shkuan këto të holla ?!

Mos ndoshta ish-kryetari i AKGP-se këto para i ka shfrytëzuar për të blerë banesën e tij të ?!

Sa gazetarë janë ndihmuar në proceset gjyqësore, tu paguheshin të paktën shumat procedurale që kërkohen nga gjykata, apo 50% të pagesës së avokatëve ?

Shpresat për një gazetaribërje të mirëfilltë në Kosovë janë shumë të vogla kur kemi sharlatanë në mjedise mediale, që synojnë të godasin kurropsionin e korrupsioni janë vet.

Kosova është çerdhe e gazetarve me diplomë, njëkohësisht çerdhe e gazetarëve analfabetë.