Zejdush Kastrati: ”Kaubojët”!

”Kaubojët” !

Fëmijët duhet të edukohen,që nga momenti i lindjes së prindërve të tyre. (Literaturnaja gazeta)

Nga Zejdush Kastrati

Si duket, më shumë po marrin udhëzime  e mbështetje, për të treguar se kush janë dhe të kujt janë,kë e kanë baba e kë vëlla,kë dajë e kë hallë,kë teze, nga janë dhe prej nga vijnë, si dhe kuptohet pa një pa dy, edhe  për të reflektuar   e promovuar trimëri, muskulaturë, rrahje gjoksi, arrogancë, mosëpërfillje e injorancë, para cdo kujt,  dhe gjithëkund e gjithëkushit që i del përpara dhe i pengon, pa marrë parasyshë, se  cka po bëjnë dhe si po sillen. A janë në kundërshtim me ligjin dhe rregullat që vlejnë për të gjithë, e që janë elemente bazë, për një shoqëri, me vlera demokratike, e në veqanti,edhe  për një familje të shëndoshë e të ndershme.

Janë jo vetëm  fëmijët,apo “ata të lockës” sic po i quajnë shumëherë, por edhe të afërm e familjarë tjerë, të disa liderëve të cilët fatkeqësisht,në vend që  të sillen e të jenë shembull për së mbari, me veprime  respektative,me një kulturë komunikimi e bisedimi, bile edhe  të veqant në aspektin pozitiv, karshi të tjerëve,të cilët  kur gabojnë dhe sillen keq  të pranojnë fajin, e të  kërkojnë edhe  falje,apo bile të heshtin dhe të mos kërcënojnë.

Jo vetëm  rastet e fundit,kur disa nga këta  fëmijë dhe të afërm e familjarë tjerë, nga kasta politike aktuale në pushtet,që ishin pjesë e ballinave e kryelajmeve të mediave dhe portaleve të shumta,  por edhe më herët, kur Kosova,  qeverisej edhe nga kryeministra  , ministra e zëvëndësministra tjerë, por edhe drejtorë  të përgjithshëm policie,kryetarë komunash, ish komandantë të Uck-së,  janë shënuar mjaftë raste, kur pikërisht, të afërmit e tyre ,e  në veqanti, fëmijët e tyre,  ishin ata, që  nuk përfillnin as ligjin ,as rregullat tjera morale , dhe gjithnjë në emër të “të fortëve” silleshin dhe inskenonin role,  sikur të ishin aktor filmash, apo imitatorë ,herëherë si Jean Noris e herëherë si Jean-Claudie Van Damme,por nuk kanë munguar nganjëherë, edhe skenat si kaubojë texasi.

Bazuar në këto veprime e sjellje, që pothuaj asnjëherë  shumica e këtyre akterëve,nuk morrën dënimin e merituar, jo vetëm nga organet e drejtësisë ,por më e keqja është, se as prindërit  apo vëllëzërit e tyre,ose më mirë të themi “të fortit” sic kanë qejfë  edhe të quhen,shumë rrallë herë, për të mos thënë asnjëherë,jo që nuk i gjykuan burrërisht e publikisht, dhe  nuk u distancuan,  nga  këso veprimesh, por, të shumtën e rasteve,i arsyetaun, dhe gjykuan palën tjetër,por shumë herë edhe organet e  rendit, apo policinë e  shtetit,e hetuesinë.

Nuk është e tepërt të thuhet, dhe për të mos besuar , se “të fortit”,janë përgjegjësit dhe fajtorët kryesor për sjelljet e fëmijëve dhe të afërmëve tjerë të tyre, në këso rrethana, dhe me siguri, të inspiruar, të joshur e  më tepër të djallëzuar, për shkak, të mirave materiale, që kanë bërë për një periudhë shumë të shkurtër, në një anë, me vetura  të mira e xhepat plot lekë,por me siguri  edhe të qëndrimeve  mbështetëse  e mesazheve   që marrin  në takimet e rralla me “të fortit”, në anën tjetër,kur, me siguri, shumica , u thonë atyre:”A e dini se të kujt jeni”!,” A e dini se kend e keni babë e  kend e keni pas babëgjush!.A e dini se cka ka ba baba i juaj për këtë Kosovë!.”Kush guxon me ju prek juve”!.”Kush leshi janë ata”!”.Kur ju ndalin vetëm tregoni emrin tim apo më thirrni mua”!”Ska dimër për juve babës…”!

Para disa ditësh, një shok i imi i kahershëm nga Gjilani,më përsëriti dicka, që e kishte thënë, edhe para disa muajshë, kur e pata takuar,(por si duket nga hallet, kishte  filluar ti harronte gjërat) dhe  që ishte shumë prekëse dhe kuptohet edhe shqetsuese.

Më tha, se me siguri, punët do ti kishte më mirë, sikur ti kishte edukuar fëmijët, bile  pak edhe  për tu bërë hajna,apo thënë më shkurt për të grabit dicka, sepse më beso, tha, se sikur djali im, të gjente ndonjë lekë në rrugë, do ta dorzonte, e leje më. të vjedhi.”Djali,ma ka kry  njërin nga fakultetet në Gjilan, por kurrësesi të gjejë punë,kurse kryetari i komunës, Qemajl Mustafa,që ka bërë pasuri marramendëse, i ka punësuar të gjithë,përfshirë edhe bashkëshorten e tij, e cila, është e  pakualifikuar, dhe cka është edhe më e keqja , pa respektuar as konkursin”,më tha gjilanasi i mllefosur dhe i zhgenjyer.

E keqja edhe  më e madhe,që “po mbillet” dhe po prodhon pasoja në vazhdimësi, për shoqërinë dhe vendin, është, se pikërisht, fëmijët,  e shumëcës së këtyre “të fortëve”,që nga adoleshenca,po “ngulfaten”  me benefite e privilegje të shumta, dhe ate, fillimisht, nëpër shkolla fillore e të mesme private,pastaj gjithashtu edhe nëpër kolegje e Universitete private, të cilat sic dihet,  janë ba “fabrika  të analfabetizmit” me prodhimtari serike, dhe pastaj, pa “therr në këmbë”  edhe po akomodohen e punësohen, kuptohet, aty ku po dëshirojnë ata vet, apo ku po don këta  “të fortit”.

Në këto rrethana e kushte, në të cilat, po ballafaqohemi, si shoqëri e si komunitet,kur nuk kemi adute e argumente, ta akuzojmë dikend nga jashtë, se po na pengon,është mirë,për të mos thënë, koha e fundit, që të shohim vehten “në pasqyrë”,dhe të themi se ku jemi dhe cka jemi duke bërë.Në veqanti,të respektojmë rendin e ligjin që po na mungon,e dihet se të parët, që duhet të jenë shembull, në këtë drejtim ,janë ata “të  fortit”,sepse janë ulë  në krye të vendit.

Nëse vazhdojmë si deri më tash,atëherë nuk na mbetet tjetër, vetëm ta vazhdojmë garën maratonike dhe të  themi “mëshoni burra  edhe kjo cka na ka mbet…”