Ilir Çumani: Në mbrojtje të jetës

NË MBROJTJE TË JETËS, KOHA PËR LËVIZJE QYTETARE

NGA ILIR ÇUMANI

Mediat spanjolle janë tmerruar me spitalet shqiptare. Në një reportazh të publikuar nga “20 minutos” thuhet se spitalet në Shqipëri janë si në Luftën e Dytë Botërore.

Në shkrim thuhet se më shumë infektohesh në spitale, sesa shërohesh.

Ilaçet mungojnë, ndërkohë që brenda në ambientet e QSUT mund të gjesh që nga kafet e deri tek serviset e makinave.

Drejtuesit e spitaleve janë partiakë të thekur, thuhet në shkrim, ndërsa korrupsioni është në nivele alarmante.

Në shkrim thuhet se mungojnë qendrat shëndetësore në vend, ndërsa shumë banorë duhet të ecin kilometra të tërë për të marrë shërbimin parësor.

Ndryshe ndodhte në komunizëm, thuhet në shkrim, ku edhe zonat më të thella kishin shërbim mjekësor dhe ai ishte falas.

Ky ishte me saktësi komenti që bënte shtypi spanjoll për gjendjen e mjerueshme të spitaleve tona, por pa hyrë akoma edhe me thellë në detaje të jetës së përditshme të këtij shërbimi që në përgjithësi çdo hallexhi do të pranonte i përulur urinë, mungesën e ngrohjes dhe të ujit, por asessi nuk do të dëshironte dhe nuk do të pranonte të përfundonte dyerve të spitaleve tona që janë në pike të hallit.

Shumë njërëz nuk kanë mundësi të vizitohen sepse nuk kanë të ardhura dhe jetojnë në një minimun jetik të varfërisë për mbijtetesë... Po me jetimët çndodh....!? Ata janë në mëshirë të Zotit....Shumë prej tyre rrezikojnë jetën sepse asnjë mjek nuk i prek me dorë nëse ata nuk paguajnë...Si çdo fushë, edhe mjekësia është dehumanizuar ca më shumë nga të tjerët në këto 23 vjet të tranzicionit të zgjatur pa shkak. Të dypunësuar, edhe në sektorin shtetëror, edhe në atë privat, një pjesë e mirë e mjekëve janë kthyer një një babëzi kolektive të një pasurimi galopant dhe pa fre ku mund të thuhet pa frike se ata janë evazionistët më të mëdhenj fiskal duke mos deklaruar fitimet e tyre marramendese me bekimin e pushtetit... Duke patur akses në punën shtetërore, nën ndikimin e trafikut të influencës të lidhur me hierarkinë dhe njerëzit e pushtetit, ata në mënyrë të qëllimshme kanë degraduar në mënyrë të shëmtuar shërbimin spitalor publik, për të "begatuar" shërbimin spitalor privat nga i cili burojnë fitime marramendëse. Kjo është një nga shumë arsyet e korrupsionit masiv që Shqipëria "noton" e përhumbur në gropën e zezë sociale, nga ku të ardhurat që përfitohen në rrugë të pandershme, përqëndrohen në pak duar të profesionistëve arrogantë në marëdhënie me të varfërit, duke i munguar kështu çdo vit arkës së shtetit qindra miliona euro që do të shërbenin për shërbime publike dhe përmirësimin e këtyre shërbimeve në favor të qytetarëve dhe njerëzve në nevojë....

Një kuriozitet: Në çdo vend të perëndimit dhe të botës së lirë demokratike, një mjek, një kirurg, një stomatolog, çdo profesionist i shkencave humane ka një normë, ka një kriter dhe tregues të punës që bën në lidhje me numrin e pacientëve që trajtohen prej tyre. Një kirurg në Gjermani, Austri, Zvicër, Francë, Swedi, Norvegji, Itali apo edhe Greqi, nuk mund të realizojë më shumë se 2 operacione në javë. Këtu në Shqipëri, një kirurg planifikon dhe realizon 3 - 5 operacione në ditë. Një stomatolog, në vendet e perëndimit mund të shpenzoj gjithë ditën me 1 - 2 pacientë, ndërsa këtu në Shqipëri, një stomatolog kalon në duart e tij edhe 10 pacient në ditë.

Një mjek i zemrës, (kardiolog), radiolog, patholog, gastrohepatolog, hematolog,etj, etj, në vendet e perëndimit nuk mund të planifikoj më shumë se 1 - 2 vizita me pacient në ditë, apo edhe 1 herë në 2 ditë, kurse në Shqipëri në klinikat private dhe shtetërore, një pjesë mjekëve autoritaristë dhe prepotentë që kanë monopolizuar shumë shërbime në profesionin e tyre duke mos u lënë radhën të rijnve që specializohen ndoshta me njohuri edhe më bashkëkohore në shumë universitete prestigjoze të botës, planifikojnë dhe munden të realizojnë 50 - 100 vizita dhe diagnostikime rutinore në ditë, kundrejtë pagesave shumë të kripura të cilat nuk deklarohen prej tyre. Pra, kuptohet se me sa seriozitet dhe me ç'farë cilësie punohet në dëm ta pacientëve në emër të fitimit.... Këtu respekti dhe vlera për jetën, nuk ka humbur vetëm nga aksidentet e shumta, sjelljet dhe maredhëniet tepër stresante dhe neurotike që kanë në përgjithësi njerëzit në jetën e përditshme nga hallet dhe problemet e shumta që ata kanë edhe nga arroganca dhe keqpërdorimi i pushtetit politik, pushtetit profesional që sapo përmendem më lart, por, pikë së pari, vlera e jetës së Njerut në Shqipëri është ç'vlerësuar në mënyrën më banale nga disa mjek të pandërgjegjshëm në emër të moralit të parasë....

Ja pse spitalet tona publike edhe pas 22 vjetësh nuk po e marrin veten dhe kanë degraduar në një mjerim të thellë social nga këta HIPOKRITE dhe MATRAPAZE SOCIAL pa zemër dhe shpirt, të maskuar me bluzën e bardhë të HIPOKRATIT....

Eshtë koha për një zgjim të madh qytetar në mbrojtje të VLERAVE dhe JETES, ashtu siç ndodh kudo në botën e qytetëruar demokratike, për të mos lejuar më makutërinë e disa sharlatanëve të tillë që kanë në dorë jetën e njeriut dhe që të marrin nëpër këmbë DINJITETIN NJEREZOR.....