Fabula nga Pilo Zyba

FABULA - EPIGRAME

NGA PILO ZYBA

SAMARI DHE KRYETARI

Kreu i ministrave vajti për të parë
Te një gomar, si bëhej një samar.
Gomari i foli i revoltuar:
- Ç’do këtu, o i uruar!-
E ndrite me samarin që të vunë
Dhe tani kërkon tjetër te unë?

PARLAMENTARI DHE GOMARI

Kur i thanë, gomar, një parlamentari,
E dini se ç’far tha gomari:
“ Soi ynë qënka me vlerë,
Deri sa këtë shtet e drejtojnë 140 gomere”

ÇOBANI I MËNÇUR

Fali kopenë
Për një zyrë e një karrike.
Tani mjelja,
I del me leverdi të madhe ekonomike.

E NDJERA GJYSHJA IME

Sa herë para parlamenntit shkonim,
Kthente kokën mënjanë, ne e shikonim...

Thoshte gjithë humor e kulturë:
- Mendimet - bërxolla që dalin nga kjo furrë,
Gjithnjë janë papjekur, nuk hahen kurrë !

PARLAMENT

Vënd, ku tregëtohet mënçuri e kulturë,
Kuvënd...ku një fjalë me mënd nuk u tha kurrë.

POLITIKA

Fëmër, që mbarset me fjalë e premtime,
por, në vënd të lindjeve, bën dështime.

RAKIA

Rakia hedhur në një gotë
Shpërthen në rruaza si lot,
Dhe thotë me zërin e plot:

- Çudi, me njerzit,

Me njëri tjetrin s’ngjasin,
Ca s’kanë mënd e kërkojnë,

Ca e kanë dhe e humbasin!

KOHË ZGJEDHJESH

Foli e foli, kandidati,
Për së gjeri e për së gjati...

Hiqej qengj, Edi , Sali,
- Zgjedhës sot, çfar vendos ti.

Porse sytë hapi mirë,
Se ka dhe qëngj egërsirë...

Vetëm fjalët janë me mjaltë,
Mos shiko qyrkun e artë...

Mbrapa qyrkut ngjyrëmirë,
Rri fshehur një egërsirë...

Ç'të mjelësh vetë, ke për të pirë!
Ktheje me fund, të bëftë mirë...