Kulturë
Cikël poetik nga Habib Shashivari
E enjte, 03.01.2013, 01:04 PM
Habib Shashivari
Tungjatjeta
or njeri,
ku dëshiron të digjesh?
këtu do të zihesh
në vorbullën e ferrit
eh more i mjerë
s' gjendesh në tokën tënde
s' kupton as ëndrrën
jasht konceptit atëdhe
s' ke një të vetëmen adresë
që të ngrohesh duke u dridhur
ti ke uri, dukesh i lodhur
të shkojmë tek unë?
Bisedë në vehte
më duket sikur unë
jam vet në lëkurën e tij
e ngjashme apo jo
edhe histori e arratisjes
eh jetë, o jetë e jetës
o Kosovë e ime magjike
o unazë e ime mistike
o mërgimtarë tragjik
Ec më thuaj
në cilën fazë je
cilës vorbullë i takon
cilës, cilës?
lamtumirës së Afërditës
i jep vulë përkdhelëse
në kokën tënde përdhese
ec dhe më thuaj
në cilën unazë je
më gjej ngjarjen tënde
ec dhe më zbulo
hapërimin e Fishtës
rrugëtimin- maratonën tënde
më trego fatin
mërgimin e shpirtit
kohën kur qafësh të hiqet
legjendë e bindjes së pluhërosur
ec, ec or njeri
ec dhe tako origjinën tënde
të mburrëshmen nënë
ec, ec dhe largoje luajtjen
larg e më larg prej magjistarëve
sa më larg Afërditës
nuk të hyjnë fare në punë
bukuria dhe gjinjët tamblorë
ti lufto për privilegjin
e kufirit tënd përrallor.