Ilir Cenollari: Ylli i Shqipërisë

ILIR CENOLLARI

YLLI I SHQIPËRISË

(Cikël poetik kushtuar 100 Vjetorit të Pavarësisë së Shqipërisë)

ISMAIL QEMALI

Thinjosh si deti i Vlorës,
si mali i Tragjasit urtan
vetëtimë si vetëtimat e Çikës
çave terrin e frikës
dole në skenën e historisë
(si shenjtori në tempull),
i the Shqipërisë:
Fati yt jam unë!
Nuk i trembem baltovinave,
plumbave të armikut,
helmit të tradhëtisë,
Yll im,
Ylli i Shqipërisë lart
në qiell ndrin!
Atje s’ngjiten dot plumbat vrasës,
thikat e pabesisë…
Atje jam unë,
atje është Shqipëria,
-Ylli i saj.

07. 09. 2012

ATDHEU
(Të paditurëve)

Atdheu është ndjenjë,
ndjenjë e lirë, madhështore,
ndjenjë e lindur, instiktive,
e errët, e ngjeshur, si dheu,
si nëntoka që ushqen jetën,
burimet, lumenjtë, bimësinë...
Atdheu është ndjenjë,
ndjenjë stërgjyshore,
ndjenjë rinore,
atdheu është lule kujtimi,
mall, ëndërr, shpresë...
Atdheu ëshë vetëdije,
mendim i bukur, kujtesë,
artdheu është qiell i ndriçuar,
qiell i lartë, i thellë, vezullues,
qiell i pavdekshëm.

08. 01. 2012

PSEUDOPATRIOTI

Ku ishe zotrote
kur liria vajtonte me kuje?
Flije gjumë!
Ku ishe zotrote
kur populli përleshej në furtunë?
Pije rum!
Ku ishe zotrote
kur unë ngrita flamur?
Zhgrryeshe në pluhur!
Ku ishe zotrote
kur gatuhej shpirti i kombit?
Vije vërdallë globit!
Ku ishe zotrote
kur unë hidhja themele?
Përtypje karamele!
Ku ishe zotrote
ku luftohej për atdhe?
Shëtisje më nge.
Ç’këndon tani si këndes
me lugën në brez?!

01. 11. 2012

***

O të çmendur!
Formula magjike është gjendur:
“Divimpa et dimpera”,
Përça dhe sundo,
gjemba dhe ferra,
përça dhe sundo!
O të çmendur!
Formula magjike është gjendur:
“Divimpa et dimpera”,
gjemba dhe ferra!
Të çmendur!!!

06. 11. 2012

RRUGA E BASHKIMIT

Si s’e gjetëm
Rrugën e Bashkimit?!
Shekuj e shekuj
të ndarë e përçarë,
shekuj e shekuj
mëria mplekset
si tërkuzë,
lidhet lak në fyt
dhe na mbyt!
Si s’e gjetëm
Rrugën e Bashkimit?!
Shekuj e shekuj
të ndarë e përçarë.
Egoizmi shtazarak
në zemër rëndon si gur
bëhet mur, shkëmb, mal!
Tek-tuk feks
dritë e bardhë,
çel ditë e mbarë,
një Vajkal, një Krujë,
një besëlidhje e lavdishme
pastaj rëmujë!
një Albulenë e ndritshme,
pastaj një Savër mënxyrë,
një Topia hero,
një Topi i ndyrë…
…………………
Si s’e gjetëm
“Rrugën e Bashkimit”
Rrugën e ngjalljes
dhe përparimit?!

02. 11. 2012

TOSKU
(Ndërhyrje në një debat të ditës)

Unë e dua Toskërinë,
po ca më shumë dua Dardaninë,
Unë e dua Toskërinë
po më ca më shumë dua Çamërinë,
Unë e dua Toskërinë
po ca më shumë dua Gegërinë,
Unë e dua Toskërinë
po ca më shumë dua Arbërinë,
Unë e dua Toskërinë
po ca më shumë dua Shqipërinë.
Unë e dua Toskërinë,
lindjen, mesin, jugun, verinë,
unë e dua Shqipërinë,
AtMenë, Perëndinë.

26. 10. 2011

SA PAK ATDHE

Flisni me orë,
me ditë, me muaj,
me vite të tëra,
po sa pak Shqipëri
ka në fjalimet tuaja!
Flisni pa pushim
dimër, vjeshtë, verë
po sa shumë cektësi,
hipokrizi, helm,
mëri, urrejtje
ka në fjalimet tuaja.
Flisni me orë,
me ditë, me muaj të tëra
po sa pak dashuri,
sa pak atdhe,
sa pak liri
ka në fjalimet tuaja!

21. 04. 2012

PERËNDI ZILIQARE

Perëndi ziliqare,
brenda njeriut
vret njeriun, lirinë,
mban nën kthetra
skllavërinë.
Perëndi ziliqare!

09. 06. 2009

GJYSMAT

Gjysma mohon gjysmën,
gjysmat mohojnë të tërën.

Ku është Shqipëria?!

NËNA

Nëna ime,
perëndia ime,
hyjnia e gjyshërve,
stërgjyshërve,
të parëve të mi,
filli i artë,
që më kredh thellë
në histori;
varri yt
orakull i shenjtë,
falem,
derdh lot,
lule, lutje.
Nëna ime,
Perëndia ime.

05. 04. 2010

FJALA

Fjala – zog i kaltër, zog qielli,
klithmat gjëmimtare i ndjej që larg.
Fjalët si zogj i ndjell pranë,
u jap zemër, u jap zjarr,
i koj me thërrmola shpirti,
i lëshoj fluturim
qiejve të marrë...

09. 06. 2009

PARA HISTORISË

Fajtorë para historisë,
fajtorë para popullit,
fajtorë para vetes....
Do vijë dita, zotërinj,
do vijë dita e Gjyqit të Madh,
gjykatës s’do jenë ndo shërbëtorë,
ndo puthadorë
me zhguna të arnuar,
gjykatës do jenë Zotat!
Do vijë dita, zotërinj,
dita e gjyqit të madh,
zotërinj faqezinj.

SHQIPTAR

Shqiptar,
po më çmend,
si s’vure mend
mjaft shkele
mbi tragjeditë,
mbi fatin tënd,
mjaft shkele
mbi plagë,
mjaft në trup
hape vragë,
si s’vure mend?!
Mjaft, mjaft
se po më çmend!

08. 07. 2009

BURRAT E DHEUT

Peshën e atdheut
mbi supe e mbajnë shtyllat,
trarët, kollonat,
Burrat e Dheut!
Peshën e atdheut
s’e mbajnë ata
që shtrëmbërojnë këmbët
e karrigeve nëpër zyra…
Peshën e atdheut
mbi supe e mbajnë shtyllat,
trarët, kollonat,
Burrat e Dheut!

02. 06. 2012