Ilmi Veliu: Ndërroi jetë veterani i arsimit shqip në Zajaz të Kërçovës - Medin Emini

NDËRROI JETË VETERANI I ARSIMIT SHQIP NË ZAJAZ TË KËRÇOVËS - MEDIN EMINI

Medin Emini ishte i lindur në vitin 1943 nga nga babai Fazli dhe nëna Ajshe,në Zajaz të Kërcovës. Fazliu ka qenë djali i Mulla Jahos i cili theret në xhami nga komitat bullgarë të udhëhequr nga Gavja i Milincës me 1913.

Shkollën filore e ka kryer në Zajaz Teqe dhe mësuesi i tij i parë ka qenë Shazimani nga Haranjelli, që më vonë është  shpërngulur në Turqi.

Në klasen e dyte e ka mësuar nipi i Sulqes Haranjellit, Ramazani për të cilin Medini më ka thënë  se  edhe ky është shpërngulur për në Turqi.

Ne kl.e III dhe te IV e ka mësuar Rushiti i Rexhës dhe në vitin 1953-54 e ka kryar shkollen fillore katërvjeqare.

Në vitin shkollorë 1953-54 vazhdon ne kl. e V te shkolla tetëvjetshe e cila atëherë ndodhej aty ku sot është stacioni i trenit e që si tetvjeçare kishte filluar të punonte në vitin shkollorë 1952-53, ku drejtor i pare kishte qenë i emruar patriot i kësajë ane Baftiar Rrushaj.

Nga kl.e V e deri te klasa e VIII kujdestar klase ka pasur Shukri Hysenin nga Popojani,kurse mësim i kanë dhënë edhe Baftiar Rrushaj, Shasim Ballazhi, Besim Nashiti, Isen Haxhi Sadiku etj.

Në klasën e shtatë dhe të tetë mësim i kanë dhënë edhe Etem Selimi e Sabahudin Hajdinit nga Dibra,

Në fund, klasën e tetë e kanë kryer vetëm këta  6 nxënës:

1.Medin Emini

2, Nazmi Mehdiu I Lazamit Nelajt

4. Remzi Sadiku nga Dr. i Madhë

5. Zeqir Dauti i Shemkut

6. Imeri nga Dr, I Vogel .

Pas kryerjes së kësajë shkolle në vitin 1957-58 regjistrohet në Shkollën Normale të Shkupit “Liria” e cila në atë kohë ka qenë 5 vjeçare. Shokë tjerë nka Kërçova ka pasur Zeqir Dautin dhe Remzi Sadikun.

Në vitin e parë të normales ka pasur kujdestar klase Xhavit Spahia dhe mësim i kanëdhënë edhe Xhevat Gega, Rexhep Bajrami ,Abidin Krasniqi, Isen Muhaxheri, nga Mitrovica,Ekrem Gjinoli nga Gjilani, Fetah Qavderbasha dhe Eshtref Saraqini nga Ferizai.

Ne vitin shkolor 1960-61, Medin Emini  mbaron klasën e IV, dhe pasiqë në Zajaz kishte nevojë të madhe për kuadër, punësohet si mësues dhe klasën e V e kryen me korespondencë. Më 1 tetor 1961 vjen në punë në Zajaz Teqe te shkolla që atëherë quhej RexhaëRushit Zajazi, si normalist i diplomuar. Para Medinit normalen e kishin kryer edhe Sali Ramadani, Afmet Selimi, Tahir Zajazi, Murat Murati, Qazim Rushaj  dhe Shëmshedin Rushaj.

Në Zajaz Teqe, bashkë me te kanë punuar edhe Zenel Sadiku nga Zhubrina e Ibrahim Limani i Kasumit Liman Hoxhës. Këtu mbetet në punë deri në vitin shkollore 62-63 kur vazhdon punën në tetvjeqare të Zajazit, te shkolla e re që ishte ndërtuar afër stacionit të policisë dhe atë vit objekti ishte qelur për herë të parë. Për mungesë të kuadrit është dashur që të mbaheshin nga 4o orë në javë. Drejtor në këtë kohë ka qenë Rushit Rushiti. Kolegë të tjerë  që kanë punuar bashkë në këtë vit shkollorë kanë qenë

Qazimi rushaj

Shemshedin Rushaj

Zejnulla mehmedi

Zeqir Dauti

Remzi Sadiku etj.

Në vitin 1964-65 shkon ushtar dhe në shkurt 1966 kthehet dhe vazhdon me punën deri më 1 shtatore 1966. Prej 1 shtator 66 registrohet në SHLP, në Shkup ku studjon Gjeografi-Histori. Në fund të vitit 1968 diplomon bashkë me Fazli Veliun që ka diplomuar Gjuhën Shqipe. Më 1 shtator 1968 fillon me punë në shkollën tetvjeqare të Zajazit, por më 27 dhjetor 1968 arrestohet  bashkë me Fazli Veliun e Qazim Rrushajn. Me qerre të policisë merrën nga Zajazi dhe nji natë i mbajnë në policinë e Velesit, nji natë në Karposh të Shkupit, dhe pastaj në burgun hetus të Shutkës. Kjo ka ndodhur 5 ditë pas demostratave të Kosovës,të 1968, me akuzën se kishin marrë pjesë në demostartë. Në paraburgim qendrojnë deri me 7 shkurt 1969. Pastaj lirohen nga paraburgimi, por aktakuza vazhdon deri më 15 mars 69, kur lirohen  me arsyetimin se nuk kanë mundur të sigurojnë dëshmi dhe dëshmitarë.

Pas kthimit nga paraburgimi, vazhdojnë me punë në shkollë, deri më 4 janar 1971, kur Medin Emini emrohet si drejtor kësajë Shkolle. Medin Emini është drejtori i parë nga gjenerata e re që ka qenë me shkollim të rregullt.

Në gusht të vitit 1981,diferencohet nga proçesi mësimorë, sëbashku me:

Baftiar Rrushaj

Sabit Ramadani

Islam Limani-Brajë

Tefik Ramadani

Feti Mustafa

Refik Ramadani

Sami Dalipi

Medini vazhdoi të ishte i papunë deri më 1 tetor 1989 kur ia kthejnë pasoshin, dhe ai si person i pa përshtatshëm politikisht, me zemër të thyer, që nuk i lelojnë të kthehet në arsim, shkon për të punuar në Zvcër ku punon deri në qershor të vitit 2006 kur edhe pensionohet.

Gjatë punës së tij në Zvicër ka qenë i kyqur në të gjitha rrjedhat politike të organizuara nga  shqiptarët, ne kuadër të organizatës LËVIZJA ku antarë dhe aktivistë të kësajë organizate  ishin një numër i madh i kërçovarëve bashkë me Ali Ahmetin e Fazli Veliun.

Vdiq i zhgënyer dhe i dëshpruar në shokët e tij e sidomos në degën e BDI që vite me rradhe e injoruan dhe nuk e panë të arsyeshme të ja punsonin vajzën të cilën ai nuk deshti ta dërgonte në gyrbet.

E la amanet qe askush nga njerëzit e politikës, mos t-ia përmendë emrin dhe askush most a vizitojë varrin e tij përveç kolegëve dhe familjes së tij të ngushtë .

Të mos harrohet emri i tij dhe Zoti e shpërbleftë për të gjithë veprimtarinë e tij patriotike.

06.02.2012 Zajaz

Ilmi Veliu,

në emër të Veteranëve të Arsimit Shqip në Kërçovë.