Dr. sc. Ilmi Veliu

Dr.sc.Ilmi Veliu, i fotografuar në shtëpinë e tij,ku  në murin e dhomës së punës ka pikturuar portretin e  Skënderbeut. Është  doktor i shkencave të Historisë dhe ekspert e studiues i vetëm në Maqedoni i periudhës së Gjergj Kastriotit. Ka kryer studimet ne Prishtinë, Chicago e Shkup. Ka marrë pjesë në të gjitha akademitë shkencore e simpoziumet që janë mbajtur për Skënderbeun në të gjitha trojet shqiptare në vitin 2005 me rastin e 600 vjetorit të lindjes së tij. Ka të botuara disa libra dhe vazhdon të botojë materiale të shumta kushtuar Kastriotit. Me 24 dokumente origjinale që flasin për origjinën shqiptare të Kastriotit, të zbuluara në Arkivin e Stambollit, ka gjunjëzuar historianët maqedonas dhe në mënyrë shkencore ka hedhur poshtë teorinë e tyre se ai ka qenë me origjinë sllavomaqedone. Shqiptari që në shtëpinë e tij nuk ka  bile një fotografi në murin e shtëpisësë tij, nuk është shqiptar, thotë Ilmi Veliu. Për momentin, është drejtor i Muzeut të Kërçovës. Shkruan rregullisht për ZSH.