Demir Krasniqi: Kosova sot

KOSOVA SOT

Prej katundit në qytet –

Udhëtova me biçikletë .

Me opinga e strajcë mbi shpinë –

Mezi erdha në Prishtinë !

I lash malet , e lash fshatin ,

E lash kosën , e lash shatin ,

E lash fyellin me gjithë dele –

Erdha n’ qytet për mesele !

S’ gjeta punë askund n’ fabrikë ,

Por u futa n’ politikë !

Politika e kishte rendin –

Me ia mbajt gjithkujt legenin !...

Trupi i jem s’u  bë rahat –

Duke vrapua n’ qytet e n’ fshat !

Duke vrapua terr me terr –

Deri sa u bana lider !

Prej se u bana si lider –

Mblodha mend e u mbusha sherr !

Tash po bëjë eksperiment –

Si të zgjidhem president ?!

Sot, Kosova po qanë me lot –

A ka njeri që m’ del Zot ?!

Ndër shumë stinë e ndër shumë mot –

Kurrë s’ kam qenë ma keq se sot !

Sot , zullumet shumë janë trashur –

Ka njerëz t’ VARFËR dhe të PASUR !

T’ pasurit janë milionerë –

T’ varfrit rrojnë në kontejnerë !

Dyzet për qind të popullsisë –

Janë t’ pa punë – përballë urisë !

Në çdo shesh , në çdo pazar –

Kurrë s’ ka pas ma shumë lypsarë !

Milionerët ngrehin pallate –

Kurrë s’ ka pas ma shumë sakate ,

Invalidë n’ karrocë me rrota ,

Njerëz të sëmurë që i pret bota !...

Sot, shqiptarët kanë shumë derte

Me u pajisë me dokumente !

Shkojnë te serbët nëpër enklava ,

N’ perëndim – nëpër ambasada !...

Është një ngërç që po vepron –

Jetën po e paralizon !

Një segment nuk funksionon –

Vallë, Kosova kah po shkon ?!

N’ krye t’ çdo institucioni –

Po lulëzon korrupsioni ,

Që nga zyra e ofiqarisë ,

Deri n’ krye t’ Qeverisë !

Në Kosovën heroike –

Lulëzojnë bimët narkotike ,

Trafikim qeniesh njerëzore ,

Prostitucion – biznes mizore !...

Mantelbardhët e Hipokratit –

Vjedhin paratë e sakatit !

Njerëz t’ maskuar hyjnë n’ shtëpia –

Me ta vjedhin policia !

Në kufi – kontrabanderët ,

Me ta vjedhin doganierët !

Me tenderë po fitojnë klanet –

Me ta vjedhin politikanët !

Vjedhin t’ gjithë djersën e popullit –

Pasurohen të pa ngopurit !

Dhe e gjithë klasa punëtore

Po kalojnë një jetë mizore !

Sot, shqiptarët për mjekim –

N’ Beograd kërkojnë shërim !

Për çdo sëmundje t’ rëndë të trupit –

Shkojnë shërohen n’ spitale t’ Shkupit !

Qanë Kosova me lot si gurrë –

Kësi mjerimi s’ ka pas kurrë !

As n’ banderra vend s’ ka mbetur –

Ku t’i  vejnë letrat për t’ vdekur !...

Gjilan, më 07.03.2011.      Demir KRASNIQI