Gazi Buxheli: Sinqeritet dhe hipokrizi

Gazi Buxheli

SINQERITET DHE HYPOKRIZI:

SINQERITET

Ndryshe mendova e ndryshe më dollën

ca gjëra që kërkova, a gjeta në jetë,

bile edhe qeni lidhur tek oborri,

i ndryshëm më dolli në ndjesinë e vet…

…e shihja shpesh të çoroditur,

në kasolle e vogël, mënjanuar,

veç mbeta shtangur e i habitur,

kur e pash të përlotur, të dëshpëruar…

…ish mëngjes kur për diku larg

ika për të mos u kthyer më tek Ai,

Unë e dija ikjen e gjatë,

por si Ai  e ndjeu, këtë nuk e di!

Një ditë do kthehem e Atë s’do ta gjej,

se do jetë tretur, duke vajtuar lëngimin,

por miku im që ndjeu ikjen 

tretur nën dhe, do të ndjej edhe kthimin…

HYPOKRIZI

O njerëz!

Në tregun e zi të moralit,

hypokrizia mbretëreshe e këmbimit,

tretur në buzëqeshjen e shtirë

e lotët e ç’krypur të pikëllimit…

…krahë i bëhet buzwqeshja

e shpatë logu i çuditshëm,

por kurrë si kap dot lartësitë

pa naivitetin tuaj të frikshëm…