Kulturë
Poezi nga Dibran Demaku
E diele, 13.03.2011, 07:48 PM
Dibran Demaku
AS...EDHE
as harg as varg as larg
edhe hark edhe varg edhe larg
as zgjuar as fjetur as etur
edhe zgjuar edhe fjetur edhe etur
as nisur as ndalur as shkuar
edhe nisur edhe ndalur edhe shkuar
as pak as mjaft as shumë
edhe pak edhe mjaft edhe shumë
as fjalë as valë as njalë
edhe fjalë edhe valë edhe njalë
as gjallë as mekur as vdekur
edhe gjallë edhe mekur edhe vdekur
as fis as lis as plis
edhe fis edhe lis edhe plis...
IKJE NGA VETJA
Mundohem të ik nga
vetëvetja
dhe nuk ik dot
as qeshi as qaj
as derdhi lot
Nuk zbres
nuk ngjitem
as shtrirë nuk rri
nuk ha kur më hahet
as kur më pihet
nuk pi
Të qëndroj në një këmbë
nuk dua
koha ime le të jetojë
pa mua
ROJET E MJEGULLËS
Ato janë shumë
sa ujët në lumë
sa ujët në det
shfaqen ku s`i pret
Urrejnë dritën e diellit
kaltërsinë e qiellit
dhe rrezet e hënës
duan terrin e natës
Dëshirojnë mjegullën terrin
ndërgjegjet përmjerrin
nën dritën e fenerit
rreth i nëntë i ferrit
SYTË E ERRËSIRËS
Ruaju nga sytë e errësirës
që skuqin si gace
qofshin të egërsirës
apo të një macje
GACA
Gaca e mbuluar
gjer në asht të djeg
ëndrrën dhe shpresën
tmerrësisht e përndjek
HIJET
Hijet e ditës
hijet e natës
në kërcyell të pritës
në udhëkryq të lëngatës