Përparim Hysi: Ismail Qemalit për Ditën e Pavarësisë

Ismail Qemalit për Ditën e Pavarësisë

Nga Përparim Hysi

Dhëmb për dhëmb me Turqinë,diplomaci  me Europën

Për të sjellë Pavarësinë,në rrezik e vure kokën.

Çave dete,shkel stere  (hasë Circe e Polifemë)

I vendosur je aq se, sa nga rruga më nuk kthen.

Edhe zbrite mu në Durrës,por sa keq ta ngritën"kurthin"

Myzeqesë me baltë e llucë,në Vlorë ngrite flamurin.

Qe nëntor më njëzet e tetë.mu në vitin 1912

Ti i urti si Profet,Shqipërinë e shpalle shtet.

Pavarësi s'qe dhuratë,mu si veza për pashkë

Por qe një luftë e gjatë që e sose,o Urtak!

As që pyete për Turqinë,në ta jepte ajo "vulën"

Duke shpallur Pavarësinë,Historisë ti e le gjurmën.

Gjurma jote,gjurmë burri,ti për ne je Ati i Kombit

Sa herë palat tund flamuri,shfaqesh ti si më i ploti.

Dalëngadalë po mbush një shekull,që më vete është Shqipëria

Po për ne kurrrë s'ke për të vdekur,prapa të ndjek historia.

26 nëntor 2010