Engjëll Koliqi - Poezi të 1 nëntorit 201

N’ATË MËNGJESIN GRI

 

Rastësisht u njohëm

Njëri-tjetrin mirë studjuam

Shoshitëm dhe historinë

Dhe u dashuruam

Në fronin e ri

I vumë kurorat mbretërore

Kurorëzuam dashurinë

Dhe muarëm në dorë

Timonin e jetës së re

E filluam shtegtimin e amshuar

Për të mbledhur

Vlerat e njerëzisë

Gjithherë me dashuri

Gjithnjë me mirësi!

                        Garlate (Lecco), 1 nëntor 2010

 

NË SHURDHËSINË E RE

 

Shohin dhe bëhen se s’shohin gjë

Dëgjojnë dhe nuk ndjejnë

Intereset sulmojnë ëndërrat

Dhe njerëzinë

Edhe na e prishin qetësinë

-

Në shurdhësinë e re

Shumë pretendohet

Asgjë nuk bëhet

                        Garlate (Lecco), 1 nëntor 2010

 

ME MELODI TË RE

 

Dashuria jonë dëshmohet

Në spektaklin e shekullit

Kurorëzohet me çmim

Dhe na siguron ëmbëlsi të këndshme

Deri në amshim

                        Garlate (Lecco), 1 nëntor 2010

 

KUPTOJ

 

Gjithçka ndodh në mesin tuaj

Unë kuptoj

Edhe stina imponon shumë procese

Kuptoj dhe bindem

Në fund të fundit

Formulë e përbashkët e të gjitha proceseve

Do të jetë dashuria

                        Garlate (Lecco), 1 nëntor 2010

 

DUA TË  BËHEM DIELL

 

Në këtë natë të rrezikshme

Dua të bëhem diell

Gjithësinë ta pushtoj

Rrezet hënës t’ia shumëfishoj

Dhe drejtimin rrezatues t’ia ndërroj

Dua t’i ndris mirë të gjithë njerëzit

Të mirëfilltën dashuri ta nxej

-

Dua të bëhem diell i njerëzisë

Dua të ndris rrugët e dashurisë

Sot e në amshim!

                        Garlate (Lecco), 1 nëntor 2010

 

DASHURI E DASHURISË SIME

 

O njerëz vullnetmirë

Eni e binduni

Dhe besoni

Këtu në logun e dashurisë

Me vendim të prerë

Po angazhohem

Dhe po shijoj mjaltin e ëmbël

Po përjetoj kënaqësi

Me të mirëfilltën dashuri

Të ëndërrës sime

Edhe për ju

Po prodhoj dashuri me timen dashuri

Eni të gjithë

Hyni në aktet e bekuara

Ta pëprmbushim bashkë misionin

Eni

Ju thërret dashuria!

                        Garlate (Lecco), 1 nëntor 2010

 

RRISIM DASHURINË

 

Kudo që jemi ne

Fara arbërore

Në tokën tonë dhe në mërgim

Rrisim dashurinë

Ëmbëlsojmë shekujt

Dhe pasurojmë historinë

Deri  në amshim

                        Garlate (Lecco), 1 nëntor 2010

 

ME FUQI DIELLORE

 

O njerëz vullnetmirë

Kam një lajm të mirë

Më kanë ardhur rrezet e mrekullisë

Dhe me fuqi diellore

Futem mes mosmarrëveshjeve

Shpirtëra njerëzish nxej

E rrezatoj me dashuri

Eni edhe ju

Ta komandojmë bashkë

Shekullin e ri

Dhe të nisemi të gjithë

N’udhën e ëndërruar

Të amshimit

-

Përpara!

                        Garlate (Lecco), 1 nëntor 2010

 

ËMBËLSI MAGJIKE

 

Le ta dijnë të gjithë

Mbarë bota dhe shekulli

Le të gëzohet edhe amshimi

Në regjimin tonë po rrjedh

Një ëmbëlsi magjike

Nga mrekullitë e shenjta të dashurisë

Që Zoti na i ka dërguar

Përmes shpirtit të Gonxhes së Dardanisë

Të gjithë jemi brenda

Megjithë zemër

Dhe me vullnet të plotë

E me të jashtëzakonshme fuqi

Në misionin e shenjtë

Që gjithmonë rrezaton dashuri

Përpara!

                        Garlate (Lecco), 1 nëntor 2010

 

SIÇ KEMI VENDOSUR

 

Kemi marrë timonin e shekullit të ri

Me guxim e me besë

Dhe botës bashkëkohëse

I kemi  dhënë dashuri

Kuptim

Dhe shpresë

                        Garlate (Lecco), 1 nëntor 2010

 

JAM NË PËRRALLË APO...?!

 

O njerëz

Po jua them haptas

Në këto akte të dashurisë

Po përjetoj kënaqësi të jashtëzakonshme

Po-po

Kënaqësi përrallore po përjetoj

Me të lumen mbretëreshë

...

Drejt po ju tregoj

Ende s’e di saktësisht

Ku jam

Dhe kah po shkoj

?!...

                        Garlate (Lecco), 1 nëntor 2010

 

NDJENJË E LASHTË DHE E RE

 

Kam privilegjin

Të ju kumtoj

-

Në shpirtin e madh ilirik

Me inspirime të  ndjenjave të lashta

Gjithmonë e më shumë rrezaton

Ndjenjë e re e dashurisë

Me shkëndija të forta të shenjtërisë

Për të mirën e përbashkët

Të mbarë njerëzisë

                        Garlate (Lecco), 1 nëntor 2010

 

NDËRMJET ARGUMENTEVE

 

Për obligimet historike

Në procesin e bekuar të dashurisë

I kemi peng puthjet

Me rregulla të reja të njerëzisë

Që na e hapin derën

Në kështjellën e shenjtë të lumturisë

                        Garlate (Lecco), 1 nëntor 2010

 

PSE ANDEJ?!...

 

E shoh qartë

Dashuria vallëzon bukur këndej

Prandaj habitem

Me çfarë arsye më thanë

Të shkoj andej

Në drejtimin e tyre ka shumë paqartësi

                        Garlate (Lecco), 1 nëntor 2010