Nehat Jahiu: Vargjet t'i puthëm

NEHAT JAHIU

VARGJET TI PUTHËM...

(Mikut dhe poetit Gjakush Tanës - Ferit Ramadanit)

Sa e sa lotë mbrëmë i derdhëm në sy

deshëm të bisedojmë , o mik me ty,

të kërkuam , o poet e nuk të gjetëm

trup e shpirt shtangur mbetëm.

Të kërkuam, o mik gjithëkund

e nuk të gjetëm ty askund,

të kërkuam mq e mike

shumë shpejt ti prej nesh na ike.

Seç na u hapën plagët në shpirt

vdekjen tënde, or mik nuk e kemi prit,

ta kërkuam vargun aty ku të mbet

tek poezia yte  ,o i madhi poet.

Lotët na mbetën të patharë në sy

vargjet ti puthëm dhembshëm në poezi,

vdekjen nuk ta besuam, or mik askush

mbetëm zemërkallur e zemërprush.

Të kërkuam, o mik  ku na  mbete

ku na ike ,o poet e ku na u trete,

eh, or mike sa shumë na brengose

si qiriu seç na kalle e na dogje.

Eh, mor mik do të gjejmë aty në kullë

trup e shpirt mbështjellur në flamur,

do të gjejmë në të lashtën Uskanë

që ti e thërrisje gjithmonë NËNË.

e diel, 24 tetor 2010