Arsim Halili: Mbahet kuvendi zgjedhor i klubit letrar ''Feniks'', Preshevë

MBAHET KUVENDI ZGJEDHOR I KLUBIT LETRAR “ FENIKS” PRESHEVË

Nga Arsim Halili

Në lokalet e shtëpisë së kulturës  “ Abdullah  Krashnica” në Preshevë më 23.10. 2010 ishte ftuar anëtarësia e  klubit letrar për të mbajtur Kuvendin e saj zgjedhor, pas dorëheqjes së kryetarit Demush Berisha  dy javë më parë. Ai dha dorëheqje për shkaqe të natyrës objektive të cilën edhe e kishte arsyetuar me shkrim. Ai faleminderit anëtarët e këtij klubi për mbështetje të deritashme dhe lirimin e tij nga detyra.

Në këtë kuvend zgjedhor fillimisht fjalën e mori z  Demush Berisha,  ku  bëri një rezyme të punës së tij,  gjatë mandatit sa ai kishte udhëhequr .Sikur se u theksua edhe nga ai është përpjekur që të jap kontributin e tij për aq sa e kanë lejuar mundësit. Gjithsesi edhe anëtarët prezent përgëzuan punën e deritashme të ish kryetarit Berisha . Më pas Kuvendi kaloj në procedurë të rregullt të punës së saj,  zgjedhjen e udhëheqësisë së re dhe të kryesisë së ngushtë prej pesë anëtarëve.

Me aklamacion  për katër vjet vijuese për kryetar u zgjodh Bilall Maliqi  nga Presheva

Ndërsa nënkryetar klubi u zgjodh Nehat Ramizi nga Tërnoci i madh  i Bujanocit.

Pesë anëtarët e kryesisë ngushtë u zgjodhën me sa vijon:

-           Demush Berisha- Preshevë

-           Ismet   Bajrami- Preshevë

-           Mejdi Shabani- Bujanoc

-           Halim Hasani- Bujanoc

-           Rexhep Abazi- Medvegjë

Gjatë këtij kuvendi  Klubit letrar “ Feniks” ju  bashkëngjitën  edhe dy anëtarët e rinj

-           Ismet Bajrami, prof i Historisë dhe poet nga Presheva

-           Hajrullah  Kasumi prof  i Gjuhës angleze poet nga Rahovica e Preshevës

Për fund z Maliqi dha këtë prononcim:

- Zotohem se me aq mundësi  që kam do të punoj  në avancimin e kulturës  letrare në Kosovën Lindore, në kuadër të Klubit tonë letrar “Feniks”, natyrisht duke kërkuar edhe ndihmën institucionale. Ai falënderoi pjesëmarrësit e këtij takimi për besimin që  i dhanë. Bilall Maliqi,  përgëzoi dhe falënderoj për punën e deritashme të zotit Berisha, duke kërkuar që përsëri të jap kontributin e tij në këtë klub, për aq mundësi, sa ja lejojnë kushtet shëndetësore për shkak të moshës së tij. Vlen të theksohet se kuvendi kaloi  të gjitha procedurat në frymën demokratike.