Demir Krasniqi: Selman Shaban Mahalla

SELMAN SHABAN MAHALLA

Si gjithë trojet n’ këto krahina –

Dhe Zaskoku dha shumë trima .

Ndër ta ishte Selman Mahalla –

Për armiq  s’ i  trembej palla !

Ky Selmani, zog i shqiponjës –

Shkoi n’ Brigadë t’ XII-të t’ Kosovës,

Ku kërkoi mobilizim,

Për t’i sjellë vendit çlirim!

Trimi i rrallë s’i  trembej vdekjes –

Shkoi në grupin e Ramë Bekës ,

U radhit n’ Ballin Kombëtar ,

N’ rresht të parë me luftëtar !

Luftëtari i kësaj ane –

N’ luftë me forcat partizane ,

N’ Mahallë t’ Gurit , në Zaskok ,

N’ dyluftim ishte  plagos .

Plagëve t’ rënda nuk iu nënshtrua ,

Pas sa muajve ishte shërua .

Asnjëherë nuk ndërroi mendim-

Për t’ luftua për çlirim!

Për çlirim t’ tokave shqiptare –

Ishte betua  t’ mos ndalej fare !

Mish e shpirt bënte përpjekje –

Për t’ luftuar deri në vdekje!

Dy Dhjetor, dyzet e katër,

Prapë në luftë hyri me hatër –

Ta mbrojë popullin e pa faj ,

N’ luftë t’ përgjakshme n’ Ferizaj!

Për liri luftën s’e ndalen –

Bashkë me shokë -  Kurtish Mahallën ,

Me Ramë Bekën e Avdyl Duren ,

Trojet tona do të mburren!

Bashkë me ta Nehbi Zaskoku –

Për trimëri s’i gjendej shoku !

Hajdin Matoshi e Shaqë Biba –

Luftuan trimat porsi diva !

Më  1 Maj , dyzet e gjashtë,

Për këtë tokë që e kanë dashtë –

Luftuan trimat n’ Ferizaj ,

Me qëndresë t’ fortë si luaj !

N’ fushëbetejë  me armë në dorë ,

Këtu Selmani ka ra dëshmorë ,

Së bashku me bashkëluftëtarë –

Ranë n’ front  t’ luftës – n’ vijë të parë !

N’ male t’ Gremes ,  ranë dëshmorë,

Për t’iu bërë lirisë kurorë –

Selman Mahalla e Nehbi Hamiti ,

Lum  Zaskoku , që i rriti !

Ranë dy vëllezër nga Nukudimi –

Hasan Berisha edhe Bislimi .

Nga Varoshi ,  Bajram Dërguti –

U flijuan në flakë baruti !

N’ këtë përleshje mbetën t’ plagosur –

Kurtish Mahalla nga Zaskoku ,

Avdi Bibaj me t’ vëllain Shaqën ,

Që ëndërruan lirinë dhe paqen !

Sot këta trima i kujtojmë ,

Këngë lavdie ju këndojmë ,

Se janë bijë të shqiptarisë –

Faqe e ndritur e historisë !

Gjilan, më 20 Tetor 2010.    

Autor i tekstit:

Demir KRASNIQI