Gazi Buxheli: Elegji për Anita Bitrin

Gazi Buxheli

ELEGJI PER ANITA BITRIN

Refren:

Nëna për nga hëna,

vajza për nga dielli,

ti, veç me këngë,

yjeve që ka qielli…

…Mbi ç’mëkat, xhelozo, a kotësi,

 gjeti arsye, e si mund të ndodhte kështu,

që nata erdhi me egërsi primitive,

e iku tinëzisht bashkë  me ju?

Refreni: Nëna për nga Hwna ,

                   vajza për …….

Dhe ikët të trija, në heshtjen e thellë,

me terrin e trishtë të asaj nate,

si një rënie e borës së shkrirë,

buzëmbrëmje, nga dega e një lofate…

Refreni: Nëna për nga hëna

                  vajza për nga…….

Ranë e ikën copëzat e borës,

me rrëkeza uji, në det, a oqean,

në pafundësi misteresh qiellorë,

rrugët tuaja çuditërisht u ndanë.

Refreni: nëna për nga hëna,

                   vajza për nga…..

Ishte kohë Vjeshte at’here,

e fletët bini mbi tokën e lagur,

disa zverdhur nga Vjeshta e vonë,

disa nga sadizmi i asaj nate shtangur.

Refreni: nëna për nga Hëna,

                 Vajza për nga…….