Kulturë
Demir Krasniqi: Zahir Cakolli - Legjendë e këtij trolli
E diele, 18.07.2010, 07:57 PM
ZAHIR CAKOLLI – LEGJENDË E KËTIJ TROLLI
Në çdo kohë e në çdo vend ,
Çdo kund ka nga një legjendë ,
N’ histori ato shënohen ,
Nëpër shekuj do t’ kujtohen .
Në Gollak e nga këto treva –
Një legjendë e ka Krileva .
Legjendë e gjallë e këtij trolli –
Do t’ përmendet Zahir Cakolli .
Kjo legjendë është e vërtetë –
Në pranverë dyzet e tetë ,
Ramazani sa kish mbarua ,
Ditë Bajrami kishte qëllua .
Për këtë festë të gjithë janë gëzua ,
I madh e i vogël herët janë zgjua ,
Veshë e mbathë mirë janë shtrëngua,
Janë nisë herët n’ xhami me shkua .
Burra e djem herët janë nisë –
Drejt Krilevës – drejt xhamisë,
Nën drejtimin e imamit ,
Për me i falë namaz Bajramit .
Ramë Cakolli me djem e nipa –
Janë zgjua herët pa dalë drita ,
Ara e shtigje kanë trupua ,
Sa ma shpejt n’ xhami me shkua .
Veshë e mbathë si asht ma s’ miri ,
Përmbas tyre asht nisë Zahiri ,
Bashkë me ta n’ xhami me shkua,
Por askush s’e ka hetua !
Ai Zahiri - 6 vjeçar ,
E kish veshë një këmishë të bardhë,
Deri n’ bregoren Kabuej ,
Nuk ka mundë të shkoj ma ndej !
N’ Kabuej kur paska dalë,
N’ atë vend djali koka ndalë ,
Vështron djali nga ai mal –
Si shkojnë burrat n’ xhami me u falë?!
Krisi pushka , krisi tupani,
Në Krilevë u fal Bajrami.
Gjithë xhemati tu u përqafua ,
Njëri – tjetrit duke i urua .
Kështu malësorët e kanë traditë,
N’ Ditë t’ Bajramit n’ shenj me qitë,
Ndërmjet veti me ba garë –
Kush prej tyre asht ma shenjëtarë ?!
Për shënjestër e kanë caktua ,
N’ Kabuej gurin me e gjua !
Aty ishte një Guri i Bardhë,
Ku Zahiri ish ndalë ma parë !
N’ Guri t’ Bardhë mbi Kabuej –
Gjithë xhemati gjuanin shenj !
N’ vend të Gurit , atë ditë pahiri –
Shenj për gjuajtje ish ba Zahiri !
Ja kanë nisë me u ndezë rafalet ,
Ushtojnë lugjet, jehojnë malet ,
Tym e zjarr po shkon mbi tokë ,
Askush shenjin s’ mund e ka rrokë !
Në atë shenj gurë xhevahirit ,
Kishte gjua edhe baba i Zahirit !
Breshër plumbash – pushkët pëllasin ,
Por as një s’ mund e godasin !
Tanë me rend shenjën e kanë gjua ,
72 plumba i kanë harxhua !
Kur pa pritë pluhur u qua –
Një fëmijë i vogël n’ kamë asht qua !
Të gjithë burrat janë tmerrua –
Çka asht ai fëmijë që n’ kamë u qua ?!
Të gjithë bregut kanë vrapua –
Me e pa fëmijën gjallë e ka shpëtua ?!
Vrapojnë burrat bregut përpjetë ,
Atë Zahirin t’ gjallë e kanë gjetë ,
E ka qua djalin përpjetë –
Asnjë plumb se kishte prekë !
S’ ish kanë shkrua djali me vdekë ,
Zoti i Madh me fuqi t’ vet ,
I dha ymër i dha kuvet ,
Fat i madh i priu për jetë !
Gjilan, më 18 Korrik 2010.
Demir KRASNIQI