BISHZ: Kundër procesit gjyqësor ndaj Albin Kurtit, liderit të Vetvendosjes

Bashkimi  i Intelektualëve Shqiptarë  në  Zvicër është:

Kundër procesit gjyqësor ndaj Albin Kurtit, liderit të  VETVENDOSJES

Nëse misioni i Eulex-it vepron sipas porosive të UNMIK-ut,  do të thot se në Kosovë, s`ka ardhur për të ndihmuar dhe zbatuar drejtësinë, por e ushqen dhe zhvillon padrejtësinë, siç bëri nëntë vite UNMIK-u.

Albin Kurti, qysh në fillim të themelimit të Lëvizjes „VETVENDOSJE“ me aktivistët dhe veprimtarët e saj, i kanë përcjellur veprimet e UNMIK-ut në vazhdimsi në të gjitha drejtimet, dhe me kohë kanë paralajmëruar për të gjitha pasojat që do të rrjedhin në Kosovë, duke dëshifruar shumë drejtë shkurtesën e UNMIK-ut , në bazë të veprimit :

Unë

Nuk

Mirrem  me

 Interesat e

Kosovës.

Dëshmi për këtë është:

Situata në  Mitrovicën veriore, veprimi i strukturave paralele serbe, të organizuara  nga Serbia, e të lejuara nga UNMIK-u dhe EULEX-i.

Nuk është e drejtë, njerëzore që Kosova të shëndrrohet në laborator për eksperimente, siç u veprue nëntë vite, nga administrata ndërkombëtare e OKB –UNMIK-u… e kjo të vazhdohet  edhe nga EULEX-i.

Nëse Eulex-i mirret me gjykimin e Albin Kurtit, po vërtetohet se UNMIK-u, paska ndërruar, vetëm emër dhe uniformë.

Mos u merrni me Albin Kurtin, që e thot të vërtetën për situatën në Kosovë, në të gjitha drejtimet.

Nëse Eulex-i, nuk i dëgjon thirrjet e vazhdueshme, për të mos zhvilluar proces gjyqësor, kundër Albin Kurtit, lind dyshimi i bazuar se:

 Qëllimet e këtij gjykimi politik, të sajuar qëllimisht, kanë prapavijë të caktuar, e për të gjitha pasojat që mund të rrjedhinë,  kanë njohuri dhe dijeni sajuesit e tyre..!

Dhe së fundi vetvetiu lind pyetja:

Pse, vetëm shqiptarëve në Kosovë u ndalohet e drejta për VETVENDOSJE..?!

Për Kryesinë e BISHZ-së,

Abas Fejzullahi, kryetar                                                                        Bernë, më 22 Shkurt 2010