Mendime
Blerim Rrecaj: Kohë vlimesh, kohë ndryshimesh…
E hene, 22.02.2010, 10:54 PM
Kohë vlimesh, kohë ndryshimesh…
Sharra në gozhdë dhe ecejaket e një gjykimi
Nga Blerim Rrecaj
Era e vlimeve ka përfshirë vendin tonë, pasiqë shumë gjërave po iu vjen era. Ndadalë po zgjohemi por mbase kjo e ka arsyen e vet. Sepse gjumë i rëndë na pat kapluar. Dhe po të vazhdojmë të zgjohemi mjerë të gjithë ata që luajtën e po luajnë me atdheun e në dëm të tij. Sepse koha është e maskarenjve por atdheu i shqiptarëve tha Ali Asllani dikur. Thuhet se “kungulli nuk shkon gjithmonë mbi ujë”, se “gënjeshtra i ka këmbët e shkurtëra” për t’u ndërlidhur me fjalën e Bob Marley-t:
“Ju mund t’i mashtroni disa njerëz për një kohë, por ju s’mund t’i mashtroni të gjithë njerëzit përgjithmonë”.
E kush ka sy për të parë e veshë për të dëgjuar e kupton se gjykimi ndaj Albin Kurtit po shndrrohet në një maskaradë banditeske policore sepse ishte dhe po dëshmohet se është shumë e vështirë të ia veshësh dikujt fajësinë që nuk e ka. E aq më pak një udhëheqësi me cilësi të larta morale, intelektuale e atdhetare siç është Albin Kurti i quajtur nga Adem Demaçi si Alb-Prometheu. Temë interesante kjo: Pafajtori të shpallet fajtor e fajtorët (në këtë rast kryesit e krimit) të pafajshëm. Jo fort moti pak ose aspak dinim se çfarë përmbanin planet, marrëveshjet, bisedimet ku “sundimtarët” si aktorë i dinin të vërtetat të cilat na i paraqisnin si procese për të mirën e Kosovës. Por u dëshmua e kundërta e asaj që thonin. Na kujtohet deklarata e njërit prej politikucëve a politikllaskucëve i cili thonte se edhe Thaçi është patriot e Albini hiç. Sot ata që shanë aksionet e Lëvizjes Vetëvendosje heshtin të strukur e shukatur fare të cilët mund të shohin vëngër e me sy të çartur se ç’po ngjet me këto zhvillime ngjarjesh. Janë të heshtur. E kjo heshtje më duket si heshtje hienash të molisura. Po heshtin edhe ata që deklaronin se kjo lëvizje veç pas Pavarësisë do të ketë punë. Karvani ecën e qentë kanë rralluar të lehurat. Kanë frikë dhe presin se ç’do të ndodh për të marr kahje pastaj…Nënshkrimi i peticionit kundër këtij gjykimi të planifikuar një numri të konsiderueshëm nga qytetarët është njëri nga lajmet e mira të këtyre ditëve. Në këtë kohë vlimesh e ndryshimesh mbase ka vend vetëm për përvjelje mëngësh me dashuri e sinqeritet. Pa dehje e eufori shumë nga ne e themi dhe e dijmë se kështu të jetohet s’ka kuptim…
Komentoni
Artikuj te tjere
Labinot Sadiku: Lavdia bie mbi ata te cilet krijojne vepra madhore
Albin Kurti: Vetëvendosja, së shpejti në zgjedhje
Halit Bogaj: Paralajmërimi i vizitës së zonjës Klinton në Kosovë
Fran Buzhala: Gjuhëtarët e vjetër - Zagarët e rinj!
Halit Bogaj: Dalaj Lama
Hadi Feri: Skandali në ''shpinë e Kosovës''
Mal Berisha: "E drejta e vetëvendosjes: Rasti i Kosovës", vlerë reale e çështjes kombëtare
Faik Krasniqi: Arrestimi i Albin Kurtit mund te sjelle pasoja te medha
Selim Hasanaj: Ëndërr malli nga mërgimi
Ilir Dardani: FatosEdvinSalihi
Albert Shabanaj: Si duhej te dukej sot Shteti i Kosovës, shume i trumbetuar nga politika e kësaj lirie private...
Gani Qarri: Kufiri i vdekjeve Shqiptare
Blerim Rrecaj: Dy ditë pas dyvjetorit të (Pa)Varësisë
Shaban Peraj: Politika, gazetarët dhe mediat
Selim Hasanaj: Pishtare e arsimit shqip në Istog, mësuesja Azize Bicaj (Blakaj)
Sokol Demaku: Edhe shqiptari mund dhe di të bëjë punë të mëdha në Përëndim
Genc Korça: Elefanti i kuq në dhomën e pritjes shqiptare
Neki Lulaj: Politika e provokimeve anti shqiptare në Iliridë
BDSH: Larg duart nga eksperimentet me fëmijët shqiptar!
Bashkimi Demokratik Shqiptar kërkon lirimin e menjëhershëm të të burgosurve...