Faik Krasniqi: Atdhedashuria, lind a kultivohet?

Unë mendoj që janë të dyja, lind, po edhe kultivohet, por kjo e dyta është më pranueshme, ngase nëse kultivohet që nga fëmija s'ka dyshim se brumoset në ndenjen e njeriut. Nëse familja e edukon fëmijën që të jetë krenar së pari me vetën e tij, familjen e tij, rrethin, kombin dhe atdheun e tij.

Ta edukoj që të ketë një identitet të qartë e të theksuar, ta edukoj e ta mësoj që formohet si karakter me dinjitet e integritet. 

Pas kësaj vjen shkalla ku atdhedashuria kultivohet në sistemin e arsimit në të gjitha shkallët e tij, e tek arsimi duhet që të kemi kujdes, që dashurinë ndaj atdheut mos t’ua mësojë brezit të ri sipas ndonjë ideologji, por thjesht duke respektuar me përpikëri identitetin e populli, në këtë drejtim mendoj që duhet kushtuar rëndësi të veçantë.

Segment tjetër janë institucionet e kombit, si ato kulturore, sportive, shkencore, shoqërore, institucionet e sigurisë dhe ato politike e reprezentuese të kombit.

Atdhedashuria forcohet kur ke ushtri që ofron siguri, akademi qe jep vizione, lidership që prezanton vlerat e kombit.

Shtroj pyetjen a i kemi ne këto? Të shpresojmë që do i bëjmë ashtu siç  dëshirojmë...