Demir Krasniqi: Më shkoj jeta krejt me tutë

                                    MË  SHKOJ JETA KREJT  ME TUTË

 

Du’   me nisë ni   kangë  me t’ butë,

Për me e knue   hiq pa m’ lutë ,

Dalë ngadalë , hiq pa u ngutë ,

Më  shkoj jeta krejt me tutë !

 

Kur isha i  vogël   thmi  –

Fort më  tutshin print  e mi ...

Me dalë jashtë natën pahiri -

Ik hi   mrena  se t’ han  DHAMPIRI !

 

Mi shpjegojshin   do punë të liga –

Na u ka mushë mali me SHTRIGA !

Asht mushë  SHTRIGA  dhe MXHITORE –

Gjithë natën rrinë nëpër vorre  !

 

Po sa nisa  pak me u rritë ,

N’ këtë dynja për mej çelë sytë ;

N’ vesh ma mbajshin  ditë e net  –

Vjen XHARRAHI e ta pret !...

 

Kur  më  çuen me i  ruejt gjanë –

N’ ara t’ hueja mos mej lanë !

Ruej mirë – tha baba plaku  ,

Se shpejt vjen t’i merr  POLAKU!

 

Mos ba  n’ mal ndo ‘i  farë zarari,

Se shpejt vjen e  t’ zen  SHUMARI !

T’ zen  SHUMARI  e  MILICIA –

Të çojnë lidhun   te  SUDIJA  !

 

Fjalë ka  çue   ODBORNIKU  –

Sot ka ardhë   ai  POREZNIKU ,

Ra te Zeka  nër Ahishtë  ,

Ja u  ka marrë krejt gjanë n’ torishtë !

 

Sivjet n’ shkollë kemi me t’ çue  ,

Sa ma mirë duhesh me mësue !

Si mos t’ mësojsh , ka me t’ marrë pusi –

Ditë për ditë ka me t’ rrehë  MËSUESI !

 

Kur u rrita  me shkue   ushtar ,

Natë për natë më  mbajshin  fjalë –

Ki   me nejt   gaditu  si qiri ,

Ditë për ditë  t’ rrehë  OFICIRI !

Nëpër oda natë për natë,

I tutshin   thminë  ,  i tutshin gratë –

Mos  e bani gjumin rahat ,

Vinë ÇETNIKËT  na bajnë sallatë !

 

Vinë  ÇETNIKË  e  PARAMILITARË ,

N’ çdo shtëpi ku ka shqiptarë ,

Do t’ na vrasin,  na presin n’ sharrë ,

Do t’ na i djegin  shpijat    me zjarr !

 

N’ tana anët  BOMBAT  kërsasin –

A do t’ m’  presin , a do t’ m’ vrasin ?!

Nuk më zihej vendi – vend ,

S’ di si pështova pa u çmendë ?!

 

N’ uniformë  erdh   Rrah   Kokrrizi  –

Unë jam “KOMANDANT MURRIZI”,

Nuk njoh vëlla, as nuk njoh mik,

Thërret ATEDHEU NË RREZIK !

 

Kërset pushka, automatiku –

Sillet  KFORI dhe  UNMIKU,

Rrinë mbi krye  HELIKOPTERI ,

Jetë trishtimi , jetë për seri !

 

Ahtisari  -  në  pako  KEKSI,

Na e pruni PAVARËSINË .

Nga Evropa erdh  EULEKSI,

Me na  nda neve DREJTËSINË  !

 

Për me ba  DEZINFEKTIM ,

Me zbatue  DECENTRALIZIM ,

Përmi gra , mos me ba  DHUNË ,

Çdo katund me e ba KOMUNË !

 

Erdhi HOXHA me nejt ni natë ,

Nisi me m’ dhanë NASIHAT –

Nuk e di a je tue ditë

Ty,  EGJELI asht tuj t’ pritë ?!

 

Kur t’ banë shpirti për me t’ dalë –

XHABRAILI   t’ banë SUHAJL  !

XHABRAILI  n’  derë  të  pret –

Nuk të  len me  hi   n’ XHENET  !

 

Gjilan, më 22 Dhjetor 2009.  Demir KRASNIQI