Editorial

Xhevat Rexhaj: E ardhmja e shqiptarëve ''unioni turko-arab''?!

E marte, 25.08.2009, 10:00 PM

E ARDHMJA E SHQIPTARËVE “UNIONI TURKO-ARAB”?!

Nga Xhevat Rexhaj

Pas LDBsë, popullata shqiptare në të gjitha trojet etnike ishte e shkëputur nga e drejta e fjalës së lirë. Në asnjë mjet të athershëm informimi shqiptarët nuk e kishin guximin (nuk lejohej- të hante furra) të merreshin me vetvehten por duhej të shkruanin për të huajtë, për sllavizmin dhe sllavët edhe këtë në të dy anët e kufirit të athershëm. Ata që mendonin dhe deklaronin diç tjeter nga politikat zyrtare denoheshin dhe eliminoheshin përfundimishtë nga jeta normale njerëzore.

Vitet e 80 të shekullit të kaluar sollën një freski në Evropën ish komuniste, pasi që USA e shkatërroi arushen e madhe BRSS me satelitet e saj edhe për ne shqiptaret filluan erëra më të buta, pra qysh me 1989 intelektualët shqiptarë në krye me Dr. Ibrahim Rugovën formuan një parti, të parën në Evropën Juglindore LDK-në. Me vetë zgjedhjen e Dr. Rugovës kryetar, e më vonë President historik i Kosovës dhe njëherit Lider historik i shqiptarëve të të gjitha trojeve, u vu një bazë e fortë e lirisë së të shprehurit dhe të shkrimit. Mirëpo ajo më kryesorja ishte se filozofia rugoviane ishte përcaktuese e një rruge nga e ardhmja ajo e Euroatlantizmit, kuptohet në një arritje të një miqësie historike SHBA- Shqiptarë. Falë kësaj filozofie dhe mençurie rrodhën edhe ngjarjet për të cilat ne jemi vetë dëshmitarë, Kosova u pranua shtet, shqiptarët u faktorizuan dhe së fundit Presidenti i Madh i SHBA së G. W. Bush e bekoi Shqipërinë duke shkelur me këmbë në truallin e Arbërit.

Po si vepruam ne shqiptarët atëhere?

Thuaja që të gjithë ishim më Amerikanë se vetë amerikanët, ishim të ngazëllyer nga përkrahja marramendëse e tyre për çështjen tonë dhe thjeshtë shpesh thoshim se mund të bëhemi edhe shteti i 54 i SHBA-ve. Thënë të drejten edhe përfaqësuesit më të lartë të administrates amerikane mahniteshin nga një mishërim i tillë shqiptarë për SHBA-në. Ata kishin dëgjuar qysh në vitin 1990 për këtë nga goja e Presidentit Rugova..

Si po veprojmë ne shqiptarët tani?

Një fjalë e popullit thotë” kceva ujin ta dhj... kalin”

Po pra, nëse shihen dhe përcillen të gjitha rrjedhat dhe ndodhitë pas përfundimit të luftës vihet në përfundim se mu ajo thanje e popullit po gjenë vend në realitetin tonë, sidomos të sotëm.

- Në biseda të ndryshme, në lexime të ndryshme dhe njëherit në përditshmërin e sodit, mund të konkludosh se fatkeqësishtë po shtohet numri i njerëzve që shajnë Amerikën. Shajnë Bushin dhe atë vetëm se ai dhe Amerika janë kundër myslimanëve (?), shkohet aq largë sa që të tillët edhe rekrutohen nepër organizata të ndryshme që ti shkaktojnë dëme dhe terror Amerikës, pa koment.

- Deri para përfundimit të luftës besimtarët mysliman kishin mishërim fenë e mirë islame, ishin tolerant dhe më në fund ishin patriot shqiptarë që mendim të fundit kishin çlirimin shqiptarë nga zgjedha serbe. Lehtë mund të dokumentohet se për të gjitha fetë tona në plan të parë ishte përkatësia kombëtare, pra Shqiptari.

- Tani më ka ndërruar shumçka, një numër i madh i njerëzve së pari deklarohen mysliman-islam e pastaj shqiptarë, pa koment.

- Në tërë këtë “allishverish”, që në të ardhmen do të ketë pasoja fatale (ato vetem se kan filluar me terror), lojë të fëlliqur janë duke luajtur një numër shumë i madh i intelektualëve shqiptarë, nëse mund të ju themi intelektual, të cilët prijnë në kinse mbajtjen e fesë, falen, agjërojnë dhe janë nonstop në lëvizje për ta zgjeruar rrjetin e një myslimanizmi ekstrem dhe fatal për të ardhmen e kombit tonë.

Që terë kjo përçudni të vazhdojë dhe të mos trazohet fare, vulën përfundimtare po e japin insitucionet shtetërore të Kosovës. Ne e dimë mirëfilli se në vetë institucionet tona dhe te vetë krerët e tyre arabizmi dhe turqizmi kanë zënë vend dhe bëjnë strofull. Të tillët të futur gjerë në fytë në korrupcion nuk duan dhe nuk guxojnë të i dalin përpara kësaj përçudnie. Duhet të jetë e sigurtë se shumë donacione të pazbardhura dhe ilegale hisen e ndajnë me krerët institucional. Shihet kjartë se shteti në Kosovë nuk funkcionon, partnerët e koalicionit për të mos rrezikuar votat edhe kinse myslimane lejojnë atentate, rrahje, djegje shtepish dhe kërcënime serioze.

E thash në fillim dikur nuk ishte liria e të shprehurit, kur nuk kishim shtet, e tani më nuk guxon të flasësh fare për devijimet e shoqërisë shqiptare sepse je në listë të zezë, mund të likuidohesh lehtë si një bubrec, se qentë nuk po guxojnë t'i vrasin sepse për këtë nuk ka ende tenderë, e kur të hapet tenderi mbushin gjepat para dhe i vrasin.

Pra ku ka më keq, dikur të torturonte dhe të eliminonte Serbia dhe pushteti serb, e sot fatkeqësishtë të njejten dhe besa më keq ta bënë shqiptari, andaj edhe lind pyetja çfarë shteti dhe çfarë pushteti kemi ore? MOZOMOKEQ.

Amerika i pat përkrahur shumë talebanët në luftë për tu çliruar nga okupimi rus, kur ata e bënë shtetin bashkë me ndihmen amerikane ua kthyen pushken amerikanëve, kësaj shul shqip i thonë bukëpërmbysësa, ose si thanja për kalin.

Po frikohem se mos po bëhemi edhe ne si talebanët e duhet dikur Amerika me na pushtu me armë për me na kthye, po e tham myslimançe ”ndinë”, argatin jemi kah e bajmë me vetëdije.

Gjashtë pikat e Ban Ki Munit dhe gjashtë yjet në flamurin e Sejdi –Thaçit, nuk na sjellin asgje tjeter. Populli i urtë shqiptarë ka thënë “ qysh a mileti ashtu edhe pushteti”, sa të ketë bakllava dhe çaj rusi mirë janë punët...

Mjerishtë me duhet të them se shqiptari për pak para shitet çdokund, edhe unë jam shqiptar...

(Vota: 19 . Mesatare: 3.5/5)