Editorial » Zejneli
Xhelal Zejneli: Përdorimi i shkronjave të mëdha
E shtune, 20.02.2021, 09:36 AM
PËRDORIMI I SHKRONJAVE TË MËDHA
Nga
Prof. Xhelal Zejneli
1. Emrat e përveçëm shkruhen me shkronjë të madhe. Për shembull: Gjergj
Kastrioti, Nënë Tereza, Ismail Kadare, Faik Konica, Fan Noli, Gjergj Fishta,
Lasgush Poradeci, Eqrem Çabej (babai i gjuhës shqipe), Adem Demaçi (simboli i
qëndresës në Kosovë), Ibrahim Rugova, Adem Jashari, Ilir, Gresa, Rina, Rona,
Ferid Murad (amerikan me prejardhje shqiptare, nga fshati Llakavicë i
Gostivarit, nga nëna amerikane, laureat i çmimit “Nobel” për mjekësi, etj.
2. Me shkronjë të
madhe shkruhen epitet ose ofiqet (nofkat): P. sh.: Hashim Thaçi,
i njohur me nofkën “Gjarpri” etj.
3. Me shkronjë të
madhe shkruhen pseudonimet: Mit’hat Frashëri (bir i Abdyl Frashërit) i
njohur me pseudonimin “Lumo Skëndo” etj.
4. Me shkronjë të
madhe shkruhen: Çajupi (Andon Zako – Çajupi), Asdreni (Aleks
Stavre Drenova – Asdreni, autor i himnit kombëtar të shqiptarëve), Migjeni (Millosh
Gjergj Nikolla – Migjeni) etj.
5. Me shkronjë të
madhe shkruhen: Gavril Dara i Riu, Gavril dara Plaku, Aleksandër
Dyma Biri, Aleksandër Dyma Babi, Le i Madh, Rikard Zemërluani
etj.
6. Jeronim de
Rada, por De Rada, Leonardo da Vinçi (por Da Vinçi), Lope de
Vega (por De Vega), Kalderon de la barka (por De la Barka),
Vincent van Gog (por Van Gog), Sharl de Gol (por De Gol)
etj.
7. Shruhen em
shkronjë të madhe edhe pjesët: O, Mek, San, Sen: O Konor, O
Kejsi, O Brajan, Mek-Donald, San-Martin, Sen-Simon
etj.
8. Shkruhen me germë
të madhe emrat e kontinenteve, të shteteve, të deteve, të liqeneve, të
lumenjve, të maleve, të fushave etj.: P. sh.:
- Evropa, Amerika
Veriore, Amerika Latine, Azia etj.;
- Shqipëria,
Kosova, Shtetet e Bashkuara të Amerikës, Gjermania etj.;
- deti Adriatik,
deti Jon, deti Mesdhe; lieqni i Shkodrës, liqeni i Ohrit, liqeni i Prespës;
liqeni i Ujmanit (në Kosovë);
- lumenjtë: Drini,
Vjosa, Buna, Semani, Shkumbin (i Tetovës), Danubi, Misisipi, Nili, Amazoni:
- mali Sharr, Tomori,
Korabi, Bjeshkët e Nemuna, Monblani, Kilimanxharo, Himalajet,
- fusha e
Pollogut, fusha e Myzeqesë, fusha e Maliqit etj.
* * *
9. Shkruhen me germë
të madhe emrat dhe mbiemrat kinezë, koreanë, vijetnamezë, birmanë: Mao Ce Dun,
Çu En Laj, Den Hsiao Pin, Sun Jat Sen, Ngujen Ti Bin etj.
10. Shkruhen me të
madhe emrat: Kastriotët (Kastriotët janë të rrallë në histori);
Homerët (kemi edhe ne Homerët tanë); ai është një Promete i ditëve
tona;
11. Emrat e përveçëm
të njerëzve, të kthyer në emra të përgjithshëm, shkruhen me shkronjë të vogël:
P. sh.: ciceron, donkishot, gobsek, harpagon, kuisling, mecen, mentor etj.
(Këta emra vijnë nga: Ciceroni, Don Kishoti, Gobseku, Harpagoni, Kuislingu,
Meceni, Mentori etj.
12. Emërtimet e
njësive të matjes shkruhen me shkronjë të vogël, edhe pse burojnë nga emra të
përveçëm: amperi, omi, vati, volti, zhuli, dizeli, fordi, mauzer,
rëntgen etj. (Amper, Om, Vat, Volt, Zhul, Dizel, Ford, mauzer,
Rëntgen).
13. Shruhen me
shkronjë të vogël emërtimet e funksioneve shtetërore, politike e ushtarake,
titujt fetarë: P. sh.:
- ministri
i Ekonomisë N. N., deputeti i Kuvendit të Shqipërisë N. N.; presidenti
i Republikës, kryetari i Kosovës; mbretëresha Teuta; kryetari
i Bashkisë së Tiranës, perandori Kostandin, sulltan Murati
II, ambasadori i Shqipërisë në Kosovë etj.
- princ Karl
Topia, dukë Gjin Tanushi, kont Niketë Topia, Ali pashë
Tepelena, Ali bej Evrenozi;
- anëtari i
Akademisë së Shkencave N. N.; profesor Eqrem Çabej; docent N. N.;
doktor profesor Aleksansër Xhuvani, bashkëpunëtor i vjetër shkencor N.
N.
Shënim: Kur këto
emërtime përdoren jashtë fjalisë, atëherë shkruhen me shkronjë të madhe. P.
sh.: Profesor Eqrem Çabej; Doktor Profesor Aleksandër Xhuvani etj.
- peshkopi Pal
Engjëlli, at Shtjefën Gjeçovi, sheh Mustafa Tetova, imzot Luigj
Bumçi etj.
Por, shkruhen me
shkronjë të madhe: Baba Moni, Hoxha Tahsini, Kont Urani, Madam
dë Stal, Papa Kristo Negovani, Prin Vidi etj.
14. Shkruhen me germë
të madhe: Sekretari i Partisë së të Gjelbërve; Kryetari i
Presidiumit të Kuvendit; Kryetari i Qeverisë së Shqipërisë; Urdhri
i Flamurit; Artist i Popullit; Artist i merituar; Mjeshtër i
sportit;
15. Shkruhen me
shkronjë të madhe emrat e përveçëm të botës mitologjike dhe fetare:
- Adami, Apoloni, Buda, Diana, Eva, hermesi, Zeusi, Borëbardha, e Bukura e
Dheut, Hirushja;
- Shkruhen me
shkronjë të vogël: engjëll, perëndi, perri, shenjt, xhind, zanë etj.
16. Shkruhen me
shkronjë të madhe emrat e përveçëm të kafshëve: Balash, Balo, Bukefali,
Kuqal, Laro, Rosinanti (kali i Don Kishotit) etj.
17. Shkruhen me shkronjë të madhe emërtimet e planetëve etj.:
- Arusha e
Madhe, Galaktika, Jupiteri, Marsi, Toka, Dielli, Hëna, Ylli Polar etj.
Por, emrat dielli,
dheu, hëna, toka etj., kur nuk përdoren si emra të astronomisë, shkruhen me
germë të vogël. P. sh. Perëndimi i diellit; Temperatura në tokë; natë pa hënë
etj.
18. Shkruhen me germë
të madhe emërtimet e institucioneve:
- Akademia e
Shkencave dhe e Arteve e Shqipërisë; Ministria e Punëve të Jashtme, Ministria e
Arsimit, Ministrie Shëndetësisë etj.
Shënim: Vazhdon në ditën
vijuese!