E marte, 19.03.2024, 05:11 AM (GMT)

Kulturë

Zymer Mehani: Përkushtim për Bacë Adem Demaçin

E shtune, 27.07.2019, 09:15 AM


Zymer Mehani

E PAARRITSHME

(Përkushtim për Bacë Adem Demaçin, me rastin e njëvjetorit të shkuarjes në amshim)

E paarritshme është

Lartësia ku u ngrite

Vetëm Ti arrite

Të ngjitesh atje

Është fare e kotë

Dhe krejt humbje kohe

Se s'mund ta mbajmë hapin

Me Ty, o Promethe

Vetëm zëri i mekur

I popullit të robëruar

Ty ta dha guximin

Dhe të trimëroi

Vetëm dashuria

Që pate për Kosovën

Të dha shumë fuqi

Dhe të pavdekësoi

Monument i gjallë

Je në zemrat tona

Krenari e kombit

Nip i Skënderbeut.

Për lirinë e popullit

Në burg ishe përherë

Diçka që s'ka ndodhur

Te popujt e tjerë

II

Ti, zemërzbardhëlluar

Si dëbora në male

Ti, shkëmb qëndrestar

I Alpeve Shqiptare...

Për komb e atdhe

Qelinë e dashurove

Që t'lirë t'rronim ne

Grilat i përqafove

Ti, o Promethe

Te Yjet je lartësuar...

Ah, Bacë....Ëndrra e Madhe....

E papërfunduar



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora