Jahja Drançolli: Muzikantet arbër në Raguzë në shekujt XIV-XV!

Si një kategori e veçantë nga krijuesit e arteve u shquan muzikantët. Veprimtaria e tyre dëshmohet në mbështetje të regjistrave arkivore raguzane. Është e njohur se përveç muzikantëve vendës, në Raguzë gjatë shek. XIV-XV, vepronin edhe qindra muzikantë, të cilët erdhën nga vise të ndryshme të Europës, pra edhe nga Arbëria, përkatësisht nga Durrësi, Drishti, Lezha, Novobërda, Prizreni Shkodra, dhe të ndonjë qendre tjetër arbërore. Vargu i tyre ishte bukur i gjatë, por duhet veçuar sidomos, Kolë Durrësaku (Colla de Durachio), Filip Drishtaku (Filipus de Drivasto), Pjetër Spani (Petrus Yspanus), Jan August Durrsaku (Zanetus Augustini de Durachio), Progon borozanisti (Progon tubator), Martin Balistari (Martinus Balesterius), e ndonjë tjetër. Muzikantët e përmendur më sipër, të cilët vepruan në Raguzë gjatë shekujve XIV-XV, edhe pse nuk lanë ndonjë vepër të madhe muzikore, ata lanë gjurmë në zhvillimin e muzikës në Raguzë dhe më gjerë. Sa çmohej vlera artistike dhe profesionale e tyre vërehet më së miri nga regjistrat e librave arkivore raguzane të kohës, ku muzikantët arbër përmenden si krijues të shkathët!

Burimi. Arkivi Shteteror i Dubrovniku (DAD)!