Parashqevi Simaku: Gëzuar 2025!

Parashqevi Simaku:

Të dashur shqiptarë,

Edhe këtij viti i erdhi fundi me një përfundim të lumtur për mua. Sot, 15 ditë më parë, jeta ime ndryshoi krejtësisht. Një ditë të ftohtë dhjetori, pata fatin të takoj një grua fisnike, me zemër të bardhë, siç është Elvira. Ajo më zgjati dorën dhe më largoi përfundimisht nga një jetesë e vështirë në rrugë. Pas disa ditësh, një tjetër njeri i jashtëzakonshëm erdhi në jetën time – Eltoni. Ai më ndihmoi shumë, duke më ofruar strehim në një nga hotelet e Manhattanit. Të dy këta njerëz, Elvira dhe Eltoni, më ndryshuan krejtësisht jetën. Ata më ndihmuan dhe më dhanë forcë që të komunikoj me dritën e syve të mi, djalin tim, Luke. Në atë moment, më dukej se u bë krejt bota ime.

Pas disa ditësh, erdhi dhe nipi im, i cili udhëtoi nga Shqipëria në New York për të më qëndruar pranë. Ai më tha: "Halle, të gjeta më në fund!" – dhe kjo fjalë më preku thellë në zemër.

Po e përmbyll vitin 2024 me tre persona që më ndryshuan jetën. Do të jem mirënjohëse për ta deri në frymën e fundit. Ata më dhanë forcën për të vazhduar, dhe më bënë të kuptoj se jeta ka gjithmonë mundësi për ndryshim dhe shpresë.

Ata më kanë premtuar se vitin 2025 do ta nis me dritën e syve të mi, djalin tim Luke. Ky takim është gjithçka që pres, dhe nuk mund të duroja dot më shumë. Uroj që të mos ndahem asnjëherë nga ai, sepse pa të, jeta ime nuk ka asnjë kuptim.

Gëzuar 2025, të gjithë shqiptarëve anë e mbanë botës! Ju uroj shëndet, begati dhe lumturi! ??

Ju përqafoj shumë! ?

https://www.facebook.com/ParashqeviiSimaku