Poezi nga Shyqyri Fejzo

Shyqyri Fejzo

Insekti i bekuar

Nëpër këngë tregime dhe nëpër legjenda

Nami i bletës ka shkuar deri tek qielli

Koshere e mjalti mistere mbajnë Brenda

Mjalti-puthje petale të luleve nga dielli

Bleta në çdo lule për nektar ka nevojë

Asaj i ngjan njeriu i mirë që punon

Ai mbledh mençuri nga çdo përvojë

Përvoja mësuesja që nuk merr pension

Artizani model i natyrës e punës-bleta

Mjalti, fruti i punës saj për njerzimin

Dobi të madhe sjell në bujqësi-e vërteta

Puna e saj model për bashkëpunimin

Bletari që merret me ato, punon si bleta

Mjalti si fjala e butë që zemrat shëron

Por vetëm të merresh me fjalë-e vërteta

Thënia "mjaltë,mjaltë"gojën se ëmbëlson

Të gjithë njerzia ju duan tu kenë pranë

Ky mendim jashtë nesh mos u ndaftë

Vetë bleta atëhere do të gjente belanë

Dihet se nuk bëjnë gjithë mizat mjaltë

Servili bashkëkohor

Ai  u lexon hollë  eprorëve pritshmërinë

Mjeshtër i notit në hierarkitë sociale

Me ata ballancon ambicjen e përulësinë

Synon vend të qetë në orbitën locale

Për të nuk mjaftojnë ditë javë e muaj

Është gatuar me servilizmin bashkëkohor

Gjithnjë synim të fitojë nga drita e huaj

Ashtu,qetë-qetë, pa gjak dhe pa horror

U sosën lavdërimet e propozimet Bubuqit

"Të madhit" pranë i ndodhet, si rastësisht

I buzëqeshur krejt, pa heq dorë prej huqit

I zbraz grykën thesit, ashtu krejt butësisht

-Ajo jotja ti thotë asaj times, them unë

"Për ndonjë pazar a ndonjë punë?"

-Ti thotë me të dua të fle sonte gjumë

Tek jot shoqe ajo ka besim shumë

Si e ke zënë ti me mua more byrazer

Do kërkosh ndonjë herë për një natë

S' është mëkat e turp për ty, po nder

Që për një natë të këmbejmë dhe grate.