E premte, 25.07.2025, 07:45 PM (GMT+1)

Kerko: a

Lekë Mrijaj: Në varrezat e qytetit të Pejës u varros motra Drita Krasniqi, kryeinfermiere në Spitalin e Pejës

E shtune, 09.11.2024, 07:50 PM


Në varrezat e qytetit të Pejës, në praninë e shumë qytetarëve, u varros motra Drita Krasniqi, kryeinfermiere në Spitalin e Pejës

Shkruan: Lekë Mrijaj

Më 5 nëntor 2024, pas një sëmundjeje të rëndë në moshën 64-vjeçare, kaloi në amshim motra e rregullit Vinçencian, motra Drita (Ndrecë) Krasniqi, e lindur më 15 prill 1960 në Nepolje.

Ishte një motër e përkushtuar ndaj thirrjes së saj si anëtare e Kongregatës së Bijave të Dashurisë së Krishterë, motra Drita i qëndroi besnike Zotit dhe misionit të saj për 43 vite. Duke vepruar me përkushtim të thellë shpirtëror si motër nderi, ajo shërbeu për shumë vite edhe në Kishën e Zllakuqanit, një vend i nderuar për banorët e Lugut të Drinit në Klinë. Për shumë vite pas luftës, ajo punoi si kryeinfermiere në repartin e ortopedisë në Spitalin e Pejës, duke kujdesur me dhembshuri e dashuri për pacientët dhe duke qenë gjithmonë pranë të sëmurëve dhe nevojtarëve.

Në rolin e saj si kryeinfermiere, motra Drita u bë një shembull i përkryer për të gjithë. E njohur për përshpirtërinë, përkushtimin, durimin dhe përulësinë me të cilën trajtonte çdo detyrë, ajo mbeti një figurë e dashur madhore dhe e respektuar si motër nderi e rregullit Vinçensian dhe profesioniste e përkushtuar në fushën e shëndetësisë. Kujtimi i saj do të mbetet një dëshmi e përjetshme e dashurisë dhe kujdesit për të tjerët.

Nderimet dhe homazhet për motrën e ndjerë Drita u mbajtën sot, më 6 nëntor 2024, në Kishën Katolike Shën Katarina në Pejë, duke filluar nga ora 10:00-12:00. Të afërmit, motrat e kongregatës dhe besimtarë të shumtë nga Lugu i Drinit (Zllakuqani, Klina etj.), Lugu i Baranit (Nepolja, Gllogjani etj.) të Pejës dhe Dukagjini u mblodhën për të nderuar kujtimin e saj dhe për t’i dhënë lamtumirën e fundit, duke kujtuar shpirtin e saj fisnik dhe kontributin që la pas në shërbim të komunitetit shqiptar dhe përtej.

Në orën 12:00 u mbajt mesha e përshpirtshme e dritës, e koncelebruar nga imzot Dodë Gjergji, don Lenc Sopi, famullitari i Kishës Katolike në Pejë, dhe meshtarë të tjerë të Dioqezës së Kosovës. Gjatë meshës, ipeshkvi Dodë Gjergji dhe don Lenci e kujtuan jetën e saj të ndritur dhe dedikimin e palodhur për të ndihmuar të tjerët. Fjalët dhe lutjet për të ndjerën përshkruan një shpirt të pastër, një motër të përkushtuar dhe një profesioniste të shquar, e cila ka lënë gjurmë të pashlyeshme në jetën e shumë njerëzve.

Në përfundim të ceremonisë, motra Drita u përcoll me nderime për në banesën e përjetshme. Ceremonia e varrimit u drejtua nga don Lenc Sopi, ndërsa me një fjalë përkujtimore morën pjesë edhe don Lush Sopi dhe një anëtar i familjes Krasniqi, të cilët shprehën dhimbjen dhe nderimin për jetën dhe veprën e saj.

Kujtimi për të qoftë i paharruar dhe shpirti i saj i bardhë le të pushojë në paqe, duke mbetur përjetë si një shembull i dashurisë dhe përkushtimit njerëzor. Pushoftë në paqe!

Ps: Fotot janë të huazuara nga Pal Marku.



(Vota: 0)

Komentoni
Komenti:

Artikuj te tjere

Fran Gjoka: Një mësues si Gjelosh Toma do të mbetet përjetësisht në kujtesën e brezave Luan-Asllan Dibrani: Zëri i Gjergj Kabashit dhe i Revistës 'Drini' në mbrojtjen e identitetit dhe kulturës shqiptare! Kristinë Oroshi: E Lumja Marie Tuci shembull i qëndresës heroike Enver Bytyçi: Sfidat, arritjet dhe dështimet e Sali Berishës! (VII) Enver Bytyçi: Sfidat, arritjet dhe dështimet e Sali Berishës! (VI) Enver Bytyçi: Sfidat, arritjet dhe dështimet e Sali Berishës! (V) Enver Bytyçi: Sfidat, arritjet dhe dështimet e Sali Berishës! (IV) Enver Bytyçi: Sfidat, arritjet dhe dështimet e Sali Berishës! (III) Enver Bytyçi: Sfidat, arritjet dhe dështimet e Sali Berishës! (II) Enver Bytyçi: Sfidat, arritjet dhe dështimet e Sali Berishës! (I) Mehmet Kraja: Për Shtjefën Gjeçovin në 150-vjetorin e lindjes Sabri Hamiti: Një Lotore për Gjeçovin Florim Zeqa: Sadri Berisha, sypatremburi i rezistencës paqësore dhe hero i luftës çlirimtare! Meti Rexhepi: Profili njerëzor i Irfan Shaqirit Albert Zholi: Tafil Buzi, patrioti që hoqi vallen e jetës në buzë të greminës Kujtojmë sot ditëlindjen e shkencëtares së parë shqiptare, Sabiha Kasimati, Nderi i Kombit Gjekë Gjonaj: Dr. Fran Ivezaj, pedagogu malësor që ligjëroi në tri kontinente Themi J. Tushe: Thoma Aleks Ristani, patrioti myzeqar që qepi flamurin Kuq e Zi Zef Pergegaj: Gjekë Gjonaj, një zë shqip prej të naltit vend, prej fjalës e ngriti një kuvend Agron Gjekmarkaj: At Zef Pllumi 100 vjeç!

Gallery

Karnavalet Ilire në Bozovcë dhe Tetovë - 2025
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx